پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ اگر پیشہ ور بھکاریوں کو گرفتار کرنا ہے تو ابتدا وزیراعظم سیلیکٹ سے کی جائے۔
یہ بات انہوں نے ڈپٹی کمشنر اسلام آباد کے بھکاریوں کے خلاف کارروائی سے متعلق ایک ٹوئٹ کے ردعمل میں جوابی ٹوئٹ میں کہی۔
اپنے پیغام میں بلاول بھٹو زرداری کا کہنا تھا کہ یہ غربت نہیں غریب مٹاؤ حکومت ہے۔
Yeh ghurbat nahi ghareeb mitao hakoomat hai. Agar wakay hi professional beggars ko arrest karna hai tau Wazeer-e-Azam Select say shuru kar lay… https://t.co/I3BHwKAcMm
— BilawalBhuttoZardari (@BBhuttoZardari) May 21, 2019
دوسری جانب بلاول بھٹو زرداری سے گلگت بلتستان کے پارٹی رہنما اور کارکنان نے ملاقات کی۔
چیئرمین پی پی پی سے ضلع دیامر کے نائب صدر حاجی دلبر خان کی سربراہی میں پانچ رکنی وفد نے ملاقات کی۔
چیئرمین بلاول بھٹو زرداری سے ہونے والی ملاقات میں ملکی معاشی صورت حال اور گلگت بلتستان کے سیاسی حالات زیربحث آئے۔
اس موقع پر بلاول بھٹو زرداری نے کہا کہ عمران خان کی حکومت ملک چلانے میں مکمل طور پر ناکام ہوچکی ہے۔
انہوں نے کہا کہ پاکستان پیپلزپارٹی کے کارکنان مجھے دل وجان سے عزیز ہیں، ملک بھر میں سب سے متحرک سیاسی کارکنان ہمارے پاس ہیں۔
ان کا مزید کہنا تھا کہ جیالوں کی سیاسی پختگی، تجربہ اور قربانیاں ناقابل فراموش ہیں، جیالے ملک بھر میں سیاسی طور پر مزید متحرک ہوجائیں۔
