اسلام آباد: پشاور زلمی کے کپتان ڈیرن سیمی کا کہنا تھا کہ ان کو ایک مرتبہ پھر ٹیم کپتان برقرار رکھنے پر وہ چیئرمین پشاور زلمی جاوید آفریدی کے دل سے شکر گزار ہیں۔
بدھ کے روز اپنی ایک پشتو ٹویٹ میں ویسٹ انڈیز کے کھلاڑی ڈیرن سیمی نے اپنے بلند عزائم کا اظہار کرتے ہوئے کہا کہ وہ پاکستان سپرلیگ فور (پی ایس ایل) کی ٹرافی جیتنے کی بھرپور کوشش کریں گے۔
Thank you @JAfridi10 for trusting me to lead @PeshawarZalmi again I will try my best to make our fans proud. Zalmi players and fans are 1 big family. So pray that we win the cup 2019 https://t.co/PA33Zfb7B9
— Daren Sammy (@darensammy88) November 21, 2018
زلمی کے کپتان کا کہنا تھا کہ وہ زلمی کے کھلاڑیوں اور مداحوں سے تعاون اور دعا کی درخواست کرتے ہیں۔
اس سے قبل منگل کے روز پاکستان سپر لیگ کے چوتھے ایڈیشن میں مختلف کیٹگریز میں موجود ملکی و غیر ملکی کھلاڑیوں کی ڈارفٹنگ کا سلسلہ مکمل کیا گیا۔ اسلام آباد میں ہونے والی ڈرافٹنگ کی تقریب میں چیئرمین پاکستان کرکٹ بورڈ احسان مانی سیمت دیگر اہم شخصیات نے شرکت کی تھی۔
2019 میں شیڈول کیے گئے پی ایس ایل کے چوتھے سیزن کے لیے چھ ٹیموں نے کھلاڑیوں کا چناؤ کیا ہے۔