امریکی کوسٹ گارڈ نے نانٹکیٹ کے ساحل کے قریب لاپتا ہونے والے طبی امدادی طیارے کا ملبہ تلاش کرلیا، تاہم طیارے میں سوار تمام 6 افراد تاحال لاپتا ہیں۔
غیر ملکی خبر رساں ادارے فوکس نیوز کے مطابق امریکی کوسٹ گارڈ نے بوسٹن جاتے ہوئے لاپتا ہونے والے طبی امدادی طیارے کا ملبہ امریکی ریاست میساچوسٹس کے علاقے نانٹکیٹ کے قریب سمندر میں تلاش کرلیا، تاہم طیارے میں سوار 6 افراد کا تاحال کوئی سراغ نہیں مل سکا۔
امریکی کوسٹ گارڈ کے مطابق ہفتے کی صبح تقریباً 2 بجے فیڈرل ایوی ایشن ایڈمنسٹریشن نے اطلاع دی کہ برمودا سے بوسٹن جانے والے گلف اسٹریم جی 100 طیارے سے رابطہ منقطع ہو گیا ہے۔ طیارے کا ٹیل نمبر سی جی آر جے پی تھا۔
حکام کے مطابق طیارے میں سوار 6 افراد میں سے 4 کینیڈین شہری اور ایک مریض سمیت برمودا کے 2 شہری شامل تھے۔ واقعے سے متعلق تمام مسافروں کے قریبی رشتہ داروں کو مطلع کر دیا گیا ہے۔
سب سے زیادہ پڑھی جانے والی
لاپتا افراد کی تلاش کے لیے بڑے پیمانے پر سرچ آپریشن جاری ہے، جس میں امریکی کوسٹ گارڈ اور دیگر اداروں کے متعدد طیارے، ہیلی کاپٹر اور ریسکیو کشتیاں حصہ لے رہی ہیں۔
تلاش کی کارروائی میں کیپ کوڈ سے ایچ سی 144 اوشن سینٹری طیارہ، الزبتھ سٹی سے ایچ سی 130 ہرکیولس، کیپ کوڈ سے ایم ایچ 60 جے ہاک ہیلی کاپٹر، برانٹ پوائنٹ اسٹیشن کی 47 فٹ موٹر لائف بوٹس اور بوسٹن میں تعینات فاسٹ رسپانس کٹر ولیم اسپارلنگ شامل ہیں۔
NEW: U.S. Coast Guard crews searching for a medical plane that vanished on its way to Boston have found a debris field off Nantucket confirmed to be connected to the missing aircraft.
The Gulfstream G100 was carrying six people, including four crew members and two passengers traveling from Bermuda to Boston for medical care, when air traffic controllers lost contact early Saturday.
The discovery shifts the massive search as crews continue looking for the six people who were aboard.
The flight’s final communications reveal a troubling exchange with air traffic control before contact was lost.
Read what happened before the plane disappeared: https://t.co/L6sw6CNMF8
— Fox News (@FoxNews) October 4, 2026
اس کے علاوہ نیویارک ایئر نیشنل گارڈ کے 106ویں ریسکیو ونگ کے 2 ہیلی کاپٹر اور ایک ایچ سی 130 طیارہ بھی سرچ آپریشن میں حصہ لے رہے ہیں۔
امریکی کوسٹ گارڈ کے مطابق تقریباً 27 گھنٹوں کے دوران ایک ہزار 644 مربع میل کے سمندری علاقے میں تلاش کی کارروائی کی جاچکی ہے، جبکہ کوسٹ گارڈ کا کٹر ولیم اسپارلنگ رات بھر سرچ آپریشن جاری رکھے گا۔
حکام کا کہنا ہے کہ طیارے میں سوار تمام 6 افراد کی تلاش جاری رکھی جائے گی، جبکہ واقعے سے متعلق مزید معلومات دستیاب ہونے پر فراہم کی جائیں گی۔
