میٹا نے پرانے اینڈرائیڈ آپریٹنگ سسٹمز پر واٹس ایپ کی سپورٹ ختم کرنے کا فیصلہ کرلیا، جس کے بعد مخصوص پرانے فونز پر صارفین میسجنگ ایپ استعمال نہیں کر سکیں گے۔
غیر ملکی خبر رساں ایجنسی کے مطابق اینڈرائیڈ 5.0، 5.1 اور اس سے پہلے کے آپریٹنگ سسٹمز پر چلنے والے فونز کے لیے واٹس ایپ سپورٹ ختم کی جا رہی ہے، جبکہ 9 ستمبر 2026 سے ایسے ڈیوائسز پر واٹس ایپ کے استعمال میں مشکلات پیش آسکتی ہیں۔
واٹس ایپ کی جانب سے وقتاً فوقتاً نئے فیچرز، بہتر انٹرفیس اور پرائیویسی و سکیورٹی اپ ڈیٹس متعارف کرائی جاتی ہیں، جن کے لیے جدید آپریٹنگ سسٹم درکار ہوتا ہے۔
اس حوالے سے میٹا کا کہنا ہے کہ سپورٹ ختم کرنے کا مقصد صارفین کی سکیورٹی اور پرائیویسی بہتر بنانا، ایپ کی کارکردگی اور استحکام برقرار رکھنا اور جدید فیچرز کی بہتر سپورٹ یقینی بنانا ہے۔
رپورٹ کے مطابق پرانے اینڈرائیڈ فونز استعمال کرنے والے صارفین کو مشورہ دیا گیا ہے کہ وہ اپنے فون کا آپریٹنگ سسٹم ورژن چیک کریں۔ اگر ڈیوائس مطلوبہ ورژن کو سپورٹ نہیں کرتی تو واٹس ایپ کا استعمال جاری رکھنے کے لیے نئے فون پر منتقل ہونا پڑسکتا ہے۔
سب سے زیادہ پڑھی جانے والی
میٹا کی جانب سے زیادہ جدید فیچرز بشمول آرٹی فیشل انٹیلی جنس (اے آئی) ٹیکنالوجی پر مبنی فیچرز پر کام کیا جا رہا ہے جن کے لیے زیادہ جدید ہارڈ وئیر کی ضرورت ہے۔
رپورٹ میں بتایا گیا کہ میٹا کی جانب سے 8 ستمبر 2026 سے اینڈرائیڈ 6 سے پہلے کے آپریٹنگ سسٹمز پر کام کرنے والے اینڈرائیڈ فونز کے لیے واٹس ایپ سپورٹ ختم کر دی جائے گی۔
اس کا مطلب ہے کہ لاکھوں پرانے اینڈرائیڈ فونز پر واٹس ایپ تک رسائی ختم ہو جائے گی۔
