ایرانی فوج کے سربراہ جنرل امیر حاتمی نے امریکی فوجی کو ہلاک یا گرفتار کرنے پر 30 ہزار ڈالر انعام کا اعلان کر دیا۔
ایرانی سرکاری نیوز ایجنسی ارنا کے مطابق ایرانی آرمی چیف جنرل امیر حاتمی نے کہا کہ اگر بہادر ایرانی خواتین میں سے کوئی یہ کام کرے تو ان کو اس رقم کا دوگنا انعام ملے گا۔ اور اس کے لیے استعمال ہونے والا اسلحہ فوج کی جانب سے مارکیٹ کے مقابلے میں دوگنا قیمت میں خریدا جائے گا اور میوزیم میں مستقل طور پر آویزاں کیا جائے گا۔
The Commander-in-Chief of the Iranian Army: With public participation, any Iranian force that captures or kills a American aggressor will receive a $30,000 reward from the Iranian people.
— IRIB (Islamic Republic of Iran Broadcasting) (@iribnews_irib) August 16, 2026
انہوں نے کہا کہ امریکی صدر کے کارناموں میں سے ایک آبنائے ہرمز کی پوشیدہ صلاحیتوں کو متحرک کرنا ہے، ہم اس صلاحیت سے بخوبی آگاہ تھے لیکن یہ جنگ نہ ہوتی تو یہ اس کی افادیت اس طرح سامنے نہ آتی۔
ان کا کہنا تھا کہ یہ برتری جنگ کو اس انداز میں ختم کرنے کے لیے بنیادی شرائط میں سے ایک ہے، جس سے ایران پر منڈلاتا ہوا جنگ کا خطرہ ہمیشہ کے لیے دور ہو جائے گا۔
’’ایران کے محافظ آپ کی ٹانگیں توڑ دیں گے‘‘ٹرمپ کو ایرانی آرمی چیف کا جواب
واضح رہے امریکا اور اسرائیل نے 28 فروری کو ایران پر فضائی حملہ کیا تھا ، اب تک ایران میں امریکی زمینی فوجیوں کی تعیناتی کی کوئی مصدقہ اطلاع نہیں، امریکی صدر اور فوج نے اپریل میں امریکی پائلٹ کو بچانے کیلئے ریسکیو مشن انجام دینے کا دعویٰ کیا تھا۔
