انگلینڈ کے 25 سالہ فاسٹ باؤلر جان ٹرنر نے کرکٹ سے اچانک ریٹائرمنٹ کا اعلان کر دیا۔
جان ٹرنر نے 2024 میں انگلینڈ کی نمائندگی کرتے ہوئے 2 ون ڈے انٹرنیشنل اور 2 ٹی ٹوئنٹی انٹرنیشنل میچ کھیلے تھے۔ تاہم گزشتہ سال جون سے کمر میں فریکچر کے باعث کسی بھی پیشہ ورانہ میچ میں شرکت نہیں کر سکے۔
معاشیات میں گریجویٹ جان ٹرنر کے ہیمپشائر کے ساتھ معاہدے کی مدت میں ابھی 2 سال باقی تھے، اس کے علاوہ ان کے پاس گزشتہ سال کے آخر تک انگلینڈ اینڈ ویلز کرکٹ بورڈ کا ڈویلپمنٹ کنٹریکٹ بھی موجود تھا۔ اس کے باوجود انہوں نے کرکٹ کو خیرباد کہہ دیا۔
جوز بٹلر ٹی ٹوئنٹی کرکٹ کی تاریخ میں سب سے زیادہ رنز بنانے والے کھلاڑی بن گئے
جان ٹرنر نے کہا کہ مسلسل انجریز، خصوصاً ایک سال سے زائد عرصے تک میدان سے دور رکھنے والے اسٹریس فریکچر نے انہیں بطور کرکٹر اور کرکٹ سے باہر اپنی زندگی کے مستقبل پر سنجیدگی سے غور کرنے پر مجبور کیا۔ زندگی میں اگلے چیلنج کی جانب بڑھنے کا یہی درست وقت ہے۔
انہوں نے کہا کہ پروفیشنل اور بین الاقوامی کرکٹ کھیلنا، ہیمپشائر اور انگلینڈ کی نمائندگی کرنا میرا خواب تھا، ریٹائر ہونے کا فیصلہ یقیناً یہ میری زندگی کے مشکل ترین فیصلوں میں سے ایک ہے۔
ٹیم سے ڈراپ ہونے کے بعد نعمان علی کی نئی اننگز، لنکاشائر کاؤنٹی سے معاہدہ
جان ٹرنر نے 2021 میں ہیمپشائر کی جانب سے فرسٹ کلاس کرکٹ میں ڈیبیو کیا تھا۔ انہوں نے کلب کے ساتھ گزارے گئے 5 برسوں کو اپنی زندگی کا بہترین دور قرار دیتے ہوئے انتظامیہ، کوچز، ساتھی کھلاڑیوں اور مداحوں کی بھرپور حمایت پر شکریہ ادا کیا۔
