مانچسٹر: قومی کرکٹ ٹیم کے سابق کپتان وسیم اکرم نے کہا کہ بابر اعظم کو کپتانی لینی ہی نہیں چاہیے تھی یہ غیر ضروری تھا۔
قومی کرکٹ ٹیم کے سابق مایہ ناز کپتان اور سوئنگ کے سلطان وسیم اکرم نے اپنے ایک بیان میں بابر اعظم کی کپتانی پر تنقید کرتے ہوئے کہا کہ دوسرے ٹیسٹ کے بعد بابراعظم کو چاہیے تھا کہ وہ صرف بطور کھلاڑی کھیلیں۔
انہوں نے 7 کھلاڑیوں اور کوچز کو ہٹائے جانے پر بابراعظم کی بے خبری کے عذر کو مسترد کرتے ہوئے سخت الفاظ میں سوال اٹھایا کہ اگر کپتان کو ٹیم میں ہونے والی اتنی بڑی تبدیلیوں کا علم ہی نہیں تھا تو پھر وہ یہاں کرنے کیا آئے تھے۔
سب سے زیادہ پڑھی جانے والی
وسیم اکرم نے مزید کہا کہ جب تک ایک لیڈر اپنے کھلاڑیوں کے ساتھ مضبوطی سے کھڑا نہیں ہوتا، ٹیم کبھی بھی سو فیصد کارکردگی نہیں دے سکتی، اس لیے دوسرے ٹیسٹ کے بعد بابر کو خود دستبردار ہو کر صرف بطور کھلاڑی کھیلنے کا اعلان کر دینا چاہیے تھا۔
View this post on Instagram
