پاکستان کی اوپن کرنسی مارکیٹ میں آج ایرانی ریال کے مقابلے میں پاکستانی روپے کی تازہ ترین شرح تبادلہ جاری کر دی گئی۔
ایران کو درپیش عالمی معاشی پابندیوں اور داخلی اقتصادی چیلنجز کے باوجود مقامی اوپن مارکیٹ میں حالیہ ہفتوں کے دوران ایرانی ریال کی قدر میں بہتری کا رجحان دیکھا جا رہا ہے۔
تازہ ترین شرح تبادلہ کے مطابق ایک پاکستانی روپے کے بدلے 4,942.01 ایرانی ریال، 10 پاکستانی روپے کے عوض 49,420.10 ایرانی ریال، 50 پاکستانی روپے کے بدلے 247,100.50 ایرانی ریال جبکہ 100 پاکستانی روپے کے عوض 494,201.00 ایرانی ریال حاصل کیے جا سکتے ہیں۔
ایران امریکا معاہدہ ، 4 روز کے دوران 2 کھرب ایرانی ریال کی خرید و فروخت
کرنسی ڈیلرز کا کہنا ہے کہ اوپن مارکیٹ میں شرح تبادلہ روزانہ کی بنیاد پر تبدیل ہو سکتی ہے، زرمبادلہ کی قیمتوں پر طلب و رسد، عالمی معاشی حالات، سرحدی تجارت اور مارکیٹ کے مجموعی رجحانات اثر انداز ہوتے ہیں، اسی لیے کسی بھی مالی لین دین سے قبل تازہ ترین نرخ کی تصدیق کرنا ضروری ہے۔
معاشی ماہرین کے مطابق خطے کی بدلتی ہوئی اقتصادی صورتحال، بین الاقوامی پابندیاں اور کرنسی مارکیٹ میں جاری اتار چڑھاؤ آئندہ دنوں میں بھی ایرانی ریال اور پاکستانی روپے کے درمیان شرح تبادلہ پر اثر ڈال سکتے ہیں۔
اسی وجہ سے درآمد و برآمد سے وابستہ کاروباری حلقے، کرنسی ڈیلرز اور مسافر مارکیٹ کی تازہ پیش رفت پر مسلسل نظر رکھے ہوئے ہیں۔
ایرانی ریال کی قیمت میں غیر معمولی اضافہ
واضح رہے امریکا ایران کے درمیان مذاکرات کے بعد ایرانی کرنسی کی قدر میں اضافہ ہوا، جس کے باعث پاکستانیوں کی بڑی تعداد نے ایرانی ریال خرید کر چھوٹے پیمانے پر سرمایہ کاری شروع کی۔
ایران پر 28 فروری کو اسرائیل اور امریکی حملوں سے قبل ایک کروڑ ایرانی ریال کی پاکستانی کرنسی میں مالیت صرف دو ہزار روہے کے لگ بھگ تھی۔
