صدر مملکت آصف زرداری اور وزیراعظم شہباز شریف نے کراچی میں رینجرز کے کیمپ پر بھارتی پراکسی جماعت الاحرار کے دہشتگرد حملے کی شدید مذمت کی ہے۔
صدر زرداری نے کہا کہ دہشتگردی سے جنگ میں قوم اپنے بہادر سپاہیوں کی قربانیاں کبھی فراموش نہیں کرے گی، بیرونی سرپرستی میں سرگرم دہشتگرد عناصر کے مذموم عزائم کبھی کامیاب نہیں ہوں گے، پاکستانی قوم دہشتگردی کے خلاف سکیورٹی فورسز اور قانون نافذکرنے والے اداروں کے شانہ بشانہ ہے۔
دہشت گردی انسانیت اور پاکستان کے استحکام کے خلاف گھناؤنی سازش ہے، وزیراعظم
صدر ملکت نے کہا کہ شہداء کی قربانیاں دہشتگردی کے مکمل خاتمے کے قومی عزم کو مزید مضبوط کرتی ہیں، شہدا کے اہلِخانہ سے دلی ہمدردی و تعزیت کرتا ہوں اور زخمی اہلکاروں کی جلد صحتیابی کے لیے دعا گو ہوں۔
دریں اثنا وزیراعظم شہبازشریف نے کراچی میں رینجرزکیمپ پرحملہ ناکام بنانے پر سکیورٹی فورسز کو خراج تحسین پیش کرتے ہوئے کہا ہے کہ جوانوں نے دہشتگردوں کے مذموم عزائم ناکام بنا کر فرض شناسی کا مظاہرہ کیا۔
وزیر اعظم نے کہا کہ 3 دہشتگردوں کو ہلاک اور ایک کو زندہ گرفتار کرکے ناپاک عزائم خاک میں ملا دیے گئے ، وطن پر جانیں نچھاور کرنے والے شہداء کو پوری قوم سلام پیش کرتی ہے۔
وزیراعظم شہبازشریف اور قطری ہم منصب میں رابطہ، خطے میں امن کیلئے مشترکہ عزم کا اظہار
وزیر اعظم نے مزید کہا کہ شہداء کا خون رائیگاں نہیں جائے گا، دہشتگردی کا پوری قوت سے خاتمہ کیا جائے گا، دہشتگرد اور ان کے سرپرست اپنے ناپاک عزائم میں کبھی کامیاب نہیں ہوں گے۔
ان کا کہنا تھا کہ قوم اپنی بہادر مسلح افواج، رینجرز اور قانون نافذ کرنیوالے اداروں کیساتھ کھڑی ہے، دہشتگردی کے ناسور کے مکمل خاتمے تک جدوجہد پوری قوت سے جاری رہے گی۔
