ایرانی پارلیمنٹ کے اسپیکر باقر قالیباف نے واضح پیغام دیتے ہوئے کہا ہے کہ ہمیں دھمکیوں کے ساتھ مذاکرات کسی صورت قبول نہیں۔
سوشل میڈیا پر جاری پیغام میں باقر قالیباف نے کہا کہ ٹرمپ مذاکرات کی میز کو ہتھیار ڈالنے کی میز میں تبدیل کرنے کی کوشش کر رہے ہیں۔
امریکی حکومت کے طرز عمل پر عدم اعتماد ہے، ایرانی صدر
ان کا مزید کہنا تھا کہ آبنائے ہرمز کی ناکہ بندی اور جنگ بندی کی خلاف ورزی کرکے ٹرمپ خود فریبی کا شکار ہیں ، وہ سمجھتے ہیں کہ مذاکرات کی میز کو ہتھیار ڈالنے کی میز میں تبدیل کرلیں گے یا نئی جنگ جوئی کا جواز پیدا کر لیں گے۔
قالیباف نے واضح کیا کہ مذاکرات کی میز پر دباؤ کے حربہ سے نتائج نہیں ملتے، دو ہفتے کے دوران ایران نے میدان جنگ میں نئے پتے دکھانے کیلئے خود کو تیار کر لیا ہے۔
