موٹرویز آج رات 8بجے سے بند رکھنے کا فیصلہ کیا گیا ہے۔
موٹروے پولیس کی جانب سے جاری اعلامیہ کے مطابق ایم 1 موٹروے پشاور سے اسلام آباد رات8بجے سے بند ہو گی ،ایم2موٹروے لاہور سے اسلام آبادرات 8بجے سے بند ہو گی۔
اسی طرح ایم3 لاہور سے عبدالحکیم ،ایم 4 پنڈی بھٹیاں سے ملتان تک بند ہوگی،ایم 11سیالکوٹ سے لاہور ، ایم 14ڈی آئی خان سے ہکلہ تک بند ہوگی۔
اعلامیہ میں مزید کہا گیا ہے کہ تمام موٹروے تعمیراتی کام کی وجہ سے بند رہیں گی۔
