وزیراعلیٰ پنجاب مریم نواز شریف نے کہا کہ ہمیں ایک شناختی کارڈ اور زمین کا کاغذ دکھا دیں اور قرض لےجائیں،سو فیصد بیلیٹنگ کے ذریعے قرعہ اندازی ہوگی۔
وزیراعلی پنجاب مریم نواز اور ن لیگ کے صدر نواز شریف نے اپنی چھت اپنا گھر‘‘ اسکیم کا افتتاح کردیا ہے، اپنی چھت اپنا گھر‘‘ اسکیم کے تحت قرضوں کی فراہمی کی غرض سے چیک تقسیم کرنے کے لیے ایکسپو سینٹر لاہور کے آڈیٹوریم میں تقریب منعقد ہوئی۔
تقریب سے خظاب کرتے ہوئے مریم نواز کا کہناتھا کہ ایک سال میں ایک لاکھ گھروں کیلئے ہم قرض دیں گے،بہت غریب طبقوں سے بھی درخواستیں آئی ہیں۔
14 ہزار مہینے پر قرض دیں گے، 9سال میں قرضہ ادا کرنا ہے اس میں زیرو سود ہے،ہر مہینے مزید لوگوں کو قرض ملیں گے، 3مہینے کا ٹائم دیا جائے گا،ہم نے اس قرض کیلئے خصوصی سینٹرز قائم کردیے ہیں۔
راولپنڈی کے لوگوں نے پی ٹی آئی جلسے کو مسترد کردیا، مریم اورنگزیب
مزید بولیں کہ تمام شہروں میں آج یہ قرض دیے جائیں گے،نوازشریف اور مریم نواز کو آپ کی فکر ہے،شہبازشریف دن رات کام کررہے ہیں،ملک ٹیک آف کرگیاہے،ابھی بھی کچھ لوگ انتشار پھیلانے کی کوشش کررہے ہیں۔
انہوں نے کہا کہ ان کا پورا فوکس جلاؤ گھیراؤ، مار دو مرجاؤ پر ہے، میں کسی کی گالم گلوچ کا جواب نہیں دینا چاہتی نہ میرے پاس وقت ہے،انھوں نے بار بار پنجاب میں احتجاج کی کال دی، کے پی سے لوگوں کو پکڑ پکڑ کر لاتے ہیں،لاہور میں جلسہ کیا پورے پنجاب سے 2ہزار بندہ نہیں نکلا۔
وزیراعلیٰ کا کہناتھا کہ اگلے 5سال میں 5لاکھ گھر بنیں گے، حکومتیں خودگھر بنائیں تو اس میں کچھ اور معاملات چلے جاتے ہیں، پہلے مرحلے میں شہروں میں ایک سے پانچ مرلہ، دیہات میں 10مرلے تک زمین ہے تو قرضہ لے سکتے ہیں، میں نے نواز شریف سے ضد کی کہ آپ اس تقریب میں شرکت کریں، حکومت پنجاب کی ہو یا وفاق کی، جس شخص کے تمام خواب ہیں ہم ان کے روح رواں ہیں۔
