راولپنڈی میں کھیلے گئے پاکستان ون ڈے سہ ملکی سیریز کے تیسرے میچ میں سری لنکا نے انگلینڈ کو 2 وکٹوں سے شکست دے کر 430 رنز کا ہدف ایک گیند قبل حاصل کرلیا۔
انگلینڈ نے پہلے بیٹنگ کرتے ہوئے مقررہ 50 اوورز میں 4 وکٹوں کے نقصان پر 429 رنز بنائے، کپتان ہیری بروک نے شاندار بیٹنگ کا مظاہرہ کرتے ہوئے 116 گیندوں پر202 رنزکی ناقابلِ یقین اننگزکھیلی، جس میں 21 چوکے اور10 چھکے شامل تھے۔
ول جیکس نے صرف 30 گیندوں پر ناقابلِ شکست 66 رنزبنائے جبکہ جو روٹ نے 69 اور ٹام بینٹن نے 50 رنز اسکور کیے۔
سب سے زیادہ پڑھی جانے والی
SRI LANKA MAKE HISTORY IN RAWALPINDI 👏
Janith Liyanage is the hero with a towering six to complete a record chase! 💪
#SLvENG | #CricketKaJashan https://t.co/MiaOAl1Hc0
— Pakistan Cricket (@TheRealPCB) October 22, 2026
430 رنز کے بڑے ہدف کے تعاقب میں سری لنکا کی ٹیم نے بھی جارحانہ بیٹنگ کی، پون رتنا نائیکے نے 106 گیندوں پر 130 رنز کی شاندار اننگز کھیلی، جبکہ اویشکا فرنینڈو نے 83 گیندوں پر 97 رنز بنائے۔
داسن شناکا نے صرف 50 گیندوں پر 97 رنز بنا کر میچ کا پانسہ پلٹ دیا،ان کی اننگز میں 6 چوکے اور 8 چھکے شامل تھے، جنتھ لیاناگے نے بھی 27 گیندوں پر ناقابلِ شکست 61 رنز بنا کر ٹیم کی فتح میں اہم کردار ادا کیا۔
سری لنکا نے 49.5 اوورز میں 8 وکٹوں کے نقصان پر 430 رنز بنا کر ہدف حاصل کرلیا، انگلینڈ کی جانب سے جوش ٹنگ نے 3، سیم کرن نے 2 جبکہ جیمی اوورٹن اور لیام ڈاسن نے ایک، ایک وکٹ حاصل کی۔
اس فتح کے ساتھ سری لنکا نے تین ملکی سیریز میں اہم کامیابی حاصل کی، جبکہ انگلینڈ کی جانب سے ہیری بروک کی ڈبل سنچری بھی ٹیم کو شکست سے نہ بچا سکی۔
Fans turn out in support of both sides at Rawalpindi Cricket Stadium 🙌
#CricketKaJashan | #SLvENG https://t.co/iOY3a6oIqA
— Pakistan Cricket (@TheRealPCB) October 22, 2026
راولپنڈی کرکٹ اسٹیڈیم میں دونوں ٹیموں کے مداح بڑی تعداد میں اپنی اپنی ٹیموں کی حمایت کے لیے پہنچ گئے، شائقین نے جوش و خروش سے کھلاڑیوں کی حوصلہ افزائی کی۔
خیال رہے کہ دونوں ٹیموں کو اپنے پہلے میچ میں شکست کا سامنا کرنا پڑا تھا، پاکستان نے سری لنکا کو 37 رنز جبکہ انگلینڈ کو 87 رنز سے ہرایا تھا۔
The moment Harry Brook brought up his double 💯 💥
Fastest double hundred in ODI history and the highest individual ODI score on Pakistan soil 🏏
#SLvENG | #CricketKaJashan https://t.co/WcJM6TvBm0
— Pakistan Cricket (@TheRealPCB) October 22, 2026
سکیورٹی کے سخت انتظامات
سری لنکا اور انگلینڈ کے درمیان میچ کی سکیورٹی کیلئے راولپنڈی پولیس کے6 ہزاراہلکارفرائض سرانجام دے رہے ہیں، سیف سٹی اور دیگر سی سی ٹی وی کیمروں سے مانیٹرنگ جاری ہے۔
ٹرائی نیشن کرکٹ سیریز، انگلینڈ بمقابلہ سری لنکا تیسرا ون ڈے میچ، سی پی او حسن مشتاق سکھیرا کی ہدایات کے مطابق راولپنڈی پولیس کے موثر سیکورٹی و ٹریفک انتظامات، راولپنڈی پولیس کے 6000 کے قریب افسران سیکورٹی و ٹریفک فرائض سرانجام دے رہے ہیں، https://t.co/6kkt8hBFZk
— Rawalpindi Police (@RwpPolice) October 22, 2026
سی پی اوحسن مشتاق سکھیرا کے مطابق مانیٹرنگ کیلئے خصوصی کنٹرول روم قائم ہے، شہریوں کی سہولت کیلئے مؤثر ٹریفک انتظامات کیے گئے ہیں۔
