چین کے خودمختار خطے تبت میں شدید زلزلے کے جھٹکے محسوس کیے گئے ہیں، جس کی شدت ریکٹر اسکیل پر 7 ریکارڈ کی گئی ہے۔
چینی سرکاری خبررساں ایجنسی شِنہوا کے مطابق چائنا ارتھ کوئیک نیٹ ورکس سینٹر نے بتایا کہ زلزلہ جمعرات کی رات آیا۔
زلزلے کا مرکز جنوب مغربی تبت کے شہر ناگچو کی باقین کاؤنٹی میں تھا جبکہ اس کی گہرائی زمین کے اندر 10 کلومیٹر ریکارڈ کی گئی۔
سب سے زیادہ پڑھی جانے والی
زلزلے کے مرکز کے جغرافیائی محل وقوع کے مطابق یہ 32.40 ڈگری شمالی عرض بلد اور 93.79 ڈگری مشرقی طول بلد پر واقع تھا۔
A 7.0-magnitude earthquake struck Baqen County of Nagqu City in southwest China’s Xizang Autonomous Region, at 10:33 p.m. Thursday (Beijing Time), according to the China Earthquake Networks Center (CENC). The epicenter was monitored at 32.40 degrees north latitude and 93.79 degrees east longitude. The quake struck at a depth of 10 km.
— China Xinhua News (@XHNews) October 22, 2026
خبر رساں ادارے رائٹرز کے مطابق زلزلے کے جھٹکے مقامی علاقے میں واضح طور پر محسوس کیے گئے، زلزلے کا مرکز تبت کے دارالحکومت لہاسا سے تقریباً 400 کلومیٹر دور تھا۔
ابتدائی اطلاعات کے مطابق زلزلے کی شدت سے متعلق مختلف اعداد سامنے آئے تاہم چینی چائنا ارتھ کوئیک نیٹ ورکس سینٹر اور شِنہوا نے اس کی شدت 7 بتائی ہے۔
زلزلے کے بعد جانی و مالی نقصان سے متعلق مصدقہ تفصیلات فوری طور پر دستیاب نہیں ہو سکیں، صورت حال سے متعلق مزید معلومات سامنے آنے پر خبراپ ڈیٹ کی جائے گی۔
