چارسدہ: خیبر پختونخوا کے ضلع چارسدہ میں طوفان اور تیز بارش کے باعث چھت گرنے سے 5 افراد جاں بحق ہو گئے۔
ریسکیو ذرائع کے مطابق چارسدہ کے علاقے ترنگزئی میں تیز بارش اور طوفان کے باعث کمرے کی چھت گر گئی۔ جس سے 5افراد موقع پر جاں بحق ہو گئے۔ جاں بحق ہونے والوں میں گھر کا سربراہ، اس کی بیوی اور 3 بچے شامل ہیں۔
جاں بحق ہونے والوں میں 8 ماہ کی بچی، 7 سالہ بچہ اور 8 سالہ بچہ شامل ہیں، مقامی لوگوں نے اپنی مدد آپ کے تحت لاشوں کو ملبے سے نکالا۔
یہ بھی پڑھیں: خیبر پختونخوا میں گورنر راج کی باتیں صرف چہ مگوئیاں ہیں، خواجہ آصف
اطلاع ملنے پر ریسکیو 1122 کی ایمبولینس اور ڈیزاسٹر وہیکل بھی حادثے پر پہنچ گئیں۔
