امریکی شہری نے تقریباً پونے چار کلو وزنی بینگن اُگاکر عالمی ریکارڈ توڑ دیا۔
غیر ملکی خبر رساں ادارے کی رپورٹ کے مطابق دیو قامت سبزیاں کاشت کرنے کے شوقین امریکی شہری ڈیو بینیٹ کا کہنا ہے کہ میں تقریباً پانچ برسوں سے بینگن کاشت کر رہا ہوں، دو سال پہلے 5.6 پاؤنڈ وزنی بینگن کاشت کر کے ریاستی ریکارڈ قائم کیا تھا۔
انہوں نے بتایا کہ اب انہوں نے 8.33 پاؤنڈ ( پونے چار کلو) وزنی بینگن کاشت کر کے نیا ریکارڈ قائم کر دیا ہے۔
دنیا کے 100 ناپسندیدہ کھانے، ’آلو بینگن‘ کا سالن بھی شامل
انہوں نے کہا کہ گنیز ورلڈ ریکارڈز نے ان سے رابطہ کیا اور بتایا کہ ان کی درخواست منظور کر لی گئی۔
واضح رہے کہ پچھلا ریکارڈ 7.21 پاؤنڈ وزنی بینگن کا تھا جو 2022 میں انگلینڈ میں اُگایا گیا تھا۔
