لکی مروت میں شہید جوانوں کی نماز جنازہ ادا کر دی گئی ، جسد خاکی آبائی علاقوں کو روانہ

نماز جنازہ

لکی مروت میں بم دھماکے میں شہید ہونے والے جوانوں کی نماز جنازہ بنوں میں ادا کر دی گئی۔

آئی ایس پی آر کے مطابق کیپٹن محمد فراز الیاس، صوبیدار میجر محمد نذیر، لانس نائیک محمد انور، لانس نائیک حسین علی، سپاہی اسد اللہ ، سپاہی منظور حسین، سپاہی راشد محمود کی نماز جنازہ بنوں میں ادا کی گئی۔ جس میں کور کمانڈر پشاور، دیگر افسران، جوانوں اور عوام نے شرکت کی۔

خیبرپختونخوا میں کارروائیاں،23دہشت گرد ہلاک،جھڑپوں میں 7 فوجی افسران و جوان شہید

آئی ایس پی آر کے مطابق نماز جنازہ کے بعد شہداء کے جسد خاکی آبائی علاقوں کو روانہ کر دیئے گئے، شہداء کو مکمل فوجی اعزاز کے ساتھ سپرد خاک کیا جائے گا۔

آئی ایس پی آر کا کہنا ہے کہ سکیورٹی فورسز دہشتگردی کی لعنت کو ختم کرنے کیلئے پرعزم ہیں، ہمارے بہادر شہداء کی یہ قربانیاں ہمارے عزم کو مزید تقویت دیتی ہیں۔

 


متعلقہ خبریں