محکمہ موسمیات نے وفاقی دارالحکومت اسلام آباد میں 18 مئی تک بارشوں کی پیش گوئی کر دی۔
موسم کا حال بتانے والوں کے مطابق اسلام آباد میں بارشوں کا سلسلہ آج شام سے شروع ہو گا، شہر کے گردو نواح کے علاقوں میں گرج چمک کے ساتھ بارش ہو گی اور یہ سلسلہ 18 مئی تک جاری رہے گا۔
محکمہ موسمیات کا کہنا ہے کہ سکھر، جیکب آباد، کشمور، لاڑکانہ اوردادو میں 17 اور 18 مئی کو بارش کا امکان ہے۔
دوسری جانب 23 سے 27 مئی کے دوران پنجاب اور سندھ میں شدید گرمی کی لہر کا امکان ہے۔
ملک کے مختلف شہروں میں بارش ، بیشتر علاقوں میں موسم گرم رہنے کی پیشگوئی
آج جیکب آباد اور دادو میں سب سے زیادہ درجہ حرارت 47.5 ڈگری سینٹی گریڈ ریکارڈ کیا ہے۔ لاڑکانہ،سکھر اور خیرپور میں درجہ حرارت 46 ڈگری سینٹی گریڈ ریکارڈ کیا گیا۔
حیدرآباد 43 اور کراچی میں درجہ حرارت 37 ڈگری سینٹی گریڈ ریکارڈ رہا۔
