بالی ووڈ کے معروف اداکار سلمان خان کا مداحوں کے نام لکھا ایک خط سوشل میڈیا پر وائرل ہو رہا ہے۔
بھارتی میڈیا کے مطابق یہ خط سلمان خان نے خود اپنے ہاتھوں سے لکھا ہے جس میں انہوں نے اپنی فلم میں نے پیار کیا کی باکس آفس پر شاندار کامیابی کے بعد اپنے مداحوں کا شکریہ ادا کیا تھا۔
انہوں نے خط میں مداحوں سے مخاطب ہوتے ہوئے لکھا تھا کہ سب سے پہلے تو مجھے پسند کرنے اور میرا پرستار ہونے کے لیے آپ سب کا شکریہ ادا کرنا چاہتا ہوں۔
اداکارہ امر خان کے شاہ رخ خان سے متعلق خواب چکنا چور ہوگئے
اداکار نے لکھا کہ میں پوری محنت اور لگن سے کام کررہا ہوں اور میری ساری توجہ کام پر مرکوز ہے، میں مستقبل میں بہترین اسکرپٹ کا انتخاب کروں گا۔
اپنے خط میں مزید کہا کہ میں جانتا ہوں کہ اب میں جو بھی فلم کروں گا تو اس کا موازنہ میری فلم میں نے پیار کیا سے کیا جائے گا لہذا آپ جب بھی میری نئی فلم سے متعلق کوئی اعلان سنیں تو یقین رکھیں کہ یہ ایک اچھی فلم ہوگی۔
