افریقی ملک موزمبیق کے شمالی ساحل پر کشتی ڈوبنے کے نتیجے میں 90 افراد ہلاک اور 25 افراد لاپتہ ہو گئے۔
مقامی حکام کے مطابق ڈوبنے والے 5 افراد کو زندہ بچالیا گیا ہے، کشتی پر خواتین اور بچوں سمیت 130 سے زائد افراد سوار تھے۔
یونان/ لیبیا کشتی حادثہ، انسانی اسمگلنگ میں ملوث گروہ کا اہم سرغنہ گرفتار
حکام کے مطابق نمپولا صوبے کے ساحلی علاقے لونگا سے روانہ ہوکر موزمبیق جزیرے کی طرف جاتے ہوئے کشتی کو حادثہ پیش آیا، کشتی پر گنجائش سے زیادہ لوگوں کو سوار کیا گیا تھا۔
حکام نے بتایا کہ حادثے کا شکار کشتی ماہی گیری کیلئے استعمال ہونے والی کشتی تھی تاہم اسے غیرمناسب طریقے سے مسافر بردار کشتی میں تبدیل کر کے استعمال کیا جا رہا تھا۔
یونان میں تارکین وطن کی کشتی ڈوب گئی، 2 افراد ہلاک، 16 لاپتہ
حکام نے بتایا کہ گزشتہ برس جنوری سے جنوبی افریقی ملکوں میں پھیلی ہوئی ہیضے کی وبا سے موزمبیق کا صوبہ نمپولا بھی شدید متاثر ہوا ہے، ہیضے کی وبا سے بچنے کیلئے لوگ مین لینڈ سے نکل کر جزیرے پر پہنچنے کی کوشش کر رہے تھے۔