خلیجی ریاست متحدہ عرب امارات کے شہر دبئی کے شیخ نے علمائے کرام سے متعلق بڑا اعلان کر دیا ہے، جہاں علمائے کرام کو رمضان المبارک کے پیش نظر گولڈن ویزا دینے کا اعلان کر دیا ہے۔
غیرملکی خبررساں ادارے کے مطابق دبئی کے شیخ حمدان بن محمد بن راشد المکتوم کی جانب سے مساجد کے امام، موذن، مفتی اور مذہبی اسکالرز کو گولڈ ویزا دینے کا اعلان کیا گیا تاہم اس گولڈز ویزا کے لیے اہل وہی ہوں گے جنہوں نے 20 سال دبئی میں خدمت سرانجام دی ہوں۔
مالدیپ کے بعد بنگلہ دیش میں بھی ’انڈیا آؤٹ‘ کا نعرہ
دوسری جانب عرب میڈیا کے مطابق عید الفطر کی مناسبت سے مذہبی رہنماؤں کو مالی انعامات دینا کا بھی اعلان کیا گیا ہے جبکہ شیخ کی جانب سے یہ قدم سماجی خدمات کی بنا پر انہیں سراہتے ہوئے دیا جا رہا ہے، جبکہ عید الفطر پر سالانہ روایت کو برقرار رکھتے ہوئے مالی انعامات دیے جائیں گے۔
شیخ حمدان کی جانب سے انہیں خراج تحسین بھی پیش کیا جائے گا جو کہ اسلام کے صبر کے پیغام کو دنیا بھر میں پھیلا رہے ہیں۔اس سے قبل شیخ حمدان کی جانب سے دبئی میں موذن اور امام مسجد کی تنخواہوں میں اضافے کا اعلان بھی کیا گیا تھا۔
یہ اضافہ دبئی کے اسلامک افئیرز اینڈ چیریٹیبل ڈیپارٹمنٹ کے زیر انتظام مساجد میں خدمات انجام دینے والوں پر کیا گیا ہے،واضح رہے صدر کی ہدایات کے مطابق ماہانہ مالی الاؤ نس بھی شامل کیا گیا ہے۔
