افریقی ملک ہیٹی میں منی بس پر مسلح افراد کی فائرنگ سے 10 مسافر ہلاک اور متعدد زخمی ہو گئے۔
ترکیہ کے سرکاری ٹی وی ٹی آر ٹی کے مطابق یہ حملہ دارالحکومت پورٹ او پرنس میں پولیس سٹیشن کے قریب کیا گیا۔
رپورٹس کے مطابق زخمیوں میں سے کچھ کی حالت تشویشناک ہے۔ پولیس نے ملزمان کی گرفتاری کے لئے بڑے پیمانے پر کارروائی شروع کر دی ہے۔
نائیجیریا ، مسجد میں فائرنگ سے 7 نمازی شہید ، متعدد زخمی
اقوام متحدہ کے ہیٹی انٹیگریٹڈ آفس کی جانب سے 2 فروری کو جاری رپورٹ میں کہا گیا تھا کہ 2023 کے آخری 3 ماہ کے دوران ہیٹی میں جرائم کے مختلف واقعات میں 2300 سے زائد افراد ہلاک، زخمی یا اغوا ہوئے اور اس تعداد میں گزشتہ سہ ماہی کے مقابلے میں 10 فیصد اضافہ ہوا ہے۔
