انوکھا الیکشن ، گوگل بھی نتائج پر حیران ہے ، زیادہ کمپرومائز کرنیوالا اقتدار میں آئیگا، شاہد خاقان عباسی

شاہد خاقان

سابق وزیر اعظم شاہد خاقان عباسی نے کہا ہے کہ الیکشن کمیشن کا کمال ہے کہ فارم 47 پہلے ہی بن گیا تھا۔

کراچی کی احتساب عدالت کے باہر میڈیا سے گفتگو کرتے ہوئے انہوں نے کہا کہ فارم 45 اور فارم 47 کا مسئلہ ہے، موجودہ انتخابات میں فارم 47 فارم 45 سے جیت گیا۔

شاہد خاقان عباسی کا کہنا ہے کہ یہ انوکھا الیکشن تھا، گوگل بھی پریشان ہے کہ رزلٹ کیا ہے، میں نے پہلے ہی کہا تھا حالات بہتر ہو جائیں تو الیکشن کرائیں، میری بات درست ثابت ہوئی دیکھ لیا کہ کیا ہوا ہے اور کیا ہو گا۔

عوام نے فیصلہ سنادیا، نتائج تبدیل کرنے سے حالات کشیدہ ہوسکتے ہیں، شاہد خاقان

انہوں نے مزید کہا کہ اس طرح آپ معاملات کو ٹھیک نہیں کر سکتے، آج کوئی بھی اقتدار کا مستحق نہیں، ملک کی بات کریں، یہ ایک ناکام الیکشن ہے۔

انہوں نے کہا کہ ہر آدمی اقتدار کی بات کر رہا ہے کہ مجھے اقتدار مل جائے، جو جتنا کمپرومائز کرے گا وہ حکومت بنا لے گا، جو بھی حکومت میں آیا ، تمام جماعتیں ساتھ نہیں دیں گی تو حکومت کامیاب نہیں ہوسکتی۔

کسی کی سپورٹ سے ملک پہلے چلا نہ اب چلے گا، شاہد خاقان عباسی

صحافی کے اس سوال پرکہ کمپرومائز کس سے کرنا ہو گا؟ پر شاہد خاقان عباسی نے کہا کہ فارم 47 سے کمپرومائز کرنا ہو گا۔


متعلقہ خبریں