خیبر پختونخوا کے سینئر صحافی عرفان خان نے انکشاف کیا ہے کہ علی امین گنڈا پورا نے وزارت اعلی نامزد ہونے کے بعد یہ اعلان کیا ہے کہ کارکنوں کے گھر چھاپہ مارنے والے افسران کیخلاف ایکشن لینے کا اعلان کیاہے۔
نجی ٹی وی پروگرام میں عرفان خان نے کہا کہ میرے خیال میں جن صاحب کی خیبر پختونخوا کے وزیراعلی کیلئے نامزدگی کی گئی انہوں نے یہ کہا ہے کہ جن پولیس والوں اور بیوروکریسی نے 9 مئی کے بعد ہمارے کارکنوں کے گھروں پر چھاپے مارے، اُن سب سے میں نمٹ لوں گا۔
انہوں نے کہا کہ خیبر پختونخوا کو اس وقت 3 بڑے چیلنجز کا سامنا ہے، ایک ہمارے بارڈر پر فوج دہشت گردی کی وجہ سے 24 گھنٹے الرٹ رہتی ہے، معاشی مسائل بہت زیادہ ہیں جبکہ گورننس کے مسائل بہت زیادہ ہیں۔
یہ بھی پڑھیں: جماعت اسلامی کا دھاندلی کے خلاف جمعہ کو اسلام آباد میں دھرنے کا اعلان
سینئر صحافی نے کہا کہ خیبر پختونخوا کی بیوروکریسی علی امین گنڈاپور کی نامزدگی سے خوش نہیں ہے کیونکہ ان کا لہجہ دھمکی آمیز ہوتا ہے۔ ان کی نامزدگی پر اعتراض کیا جا رہا ہے۔
