جاپانی حکومت نے فیصلہ کیا ہے کہ غیرممالک سے آنے والے سیاحوں کو ٹیکس سے متعلق دی گئی سہولیات میں تبدیلی کی جائے گی۔
غیرملکی خبررساں ادارے کے مطابق جاپان غیرملکی سیاحوں کے لیے ٹیکس فری سسٹم پر نظر ثانی کرے گا،غیرملکی سیاحوں کے لیے بنائے گئے ٹیکس فری نظام کو تبدیل کرنے کا منصوبہ بنا رہا ہے کیونکہ کچھ مواقعوں پر اس کا غلط استعمال کیا جارہا ہے۔
جاپان کی حکومت چاہتی ہے کہ گاہک، خریداری کے وقت پورا ٹیکس ادا کریں اور ادا شدہ ٹیکس کی واپسی کے لیے بعد میں درخواست دیں، فی الحال بیرون ملک سے آنے والے افراد مخصوص اسٹورز پر مقررہ ٹیکس ادا کیے بغیر سامان خرید سکتے ہیں۔
دنیا بھر میں کاروں کی برآمد، چین جاپان سے آگے نکلنے کے قریب پہنچ گیا
دکانوں کو خریداروں کی شناخت کی تصدیق کرنی ہوتی ہے اور اس بات کو یقینی بنانا ہوتا ہے کہ خریدی گئی اشیا دوبارہ فروخت جیسے غیر قانونی مقاصد کے لیے نہ ہوں تاہم ایسے سیاح بھی ہیں جو بغیر ٹیکس ادا کیے خریدی اشیا جاپان ہی میں فروخت کر دیتے ہیں۔
ٹیکس فری تقاضے پورا نہ کرنے والی فروخت کی پاداش میں کچھ بڑے ڈپارٹمنٹل اسٹورز اور اسمارٹ فون بیچنے والی دکانوں پر مذکورہ ٹیکس اپنی جانب سے ادا کرنے کا جرمانہ عائد کیا جا چکا ہے۔
