سیکیورٹی فورسز نے ڈیرہ اسماعیل خان کے علاقے کلاچی میں دہشت گردوں کے خلاف آپریشن کیا ہے، شدید فائرنگ کے تبادلے میں ایک دہشتگرد ہلاک،ایک زخمی ہو گیا۔
پاک فوج کے شعبہ تعلقات عامہ ( آئی ایس پی آر) کے مطابق ہلاک دہشتگرد کے قبضے سے اسلحہ و گولہ بارود برآمد کر لیا گیا۔
آئی ایس پی آر کے مطابق دہشتگرد سیکیورٹی فورسز کیخلاف کارروائیوں اور شہریوں کے قتل میں ملوث تھے،علاقے میں ممکنہ دہشتگردوں کے خاتمے کیلئے آپریشن جاری ہے۔
آئی ایس پی آر کا کہنا ہے کہ سیکیورٹی فورسز دہشتگردی کے خاتمے کیلئے پر عزم ہیں۔
