پی ٹی آئی رہنما عثمان ڈار کو کراچی کے علاقے ڈیفنس سے حراست میں لے کر نامعلوم مقام پر منتقل کر دیا گیا۔
ایس ایس پی ملیر نے عثمان ڈار کی گرفتاری سے لاعلمی کا اظہار کیا ہے۔
ادھرعثمان ڈار کی والدہ نے ویڈیو پیغام میں کہا ہے کہ بیٹے کو اغوا کیا گیا ہے اورجنہوں نے اغوا کیا، ہمیں نہیں پتہ وہ کون ہیں۔
پی ٹی آئی رہنما عثمان ڈار کی فیکٹری اور گھر سیل
انہوں نے کہا کہ چاہتی ہوں کہ بیٹے کو عدالت میں پیش کیا جائے تاکہ وہ الزامات کا دفاع کرسکے، میری عمر کو مدنظر رکھتے ہوئے میری اپیل کو سنا جائے۔
دوسری جانب ترجمان پی ٹی آئی کا کہنا ہے کہ سادہ لباس اہلکار عثمان ڈار کو حراست میں لے کر نامعلوم مقام پر چلے گئے ہیں، انہیں بازیاب کروا کر فوری عدالت میں پیش کیا جائے۔