وزیراعظم شہباز شریف کی جانب سے قطر کے شاہی خاندان کے سینیئر رکن کے انتقال پر تعزیت کا اظہار۔
سماجی رابطے کی ویب سائٹ ٹوئٹر پر جاری کردہ ٹویٹ میں وزیراعظم نے افسوس کا اظہار کیا۔ انہوں نے لکھا کہ شیخ محمد بن حمد بن عبداللہ بن جاسم الثانی کے انتقال کی خبر سن کر گہرا رنج ہوا۔
وزیراعظم کا کہنا تھا کہ امیرِ قطر شیخ تمیم بن حمد الثانی اور سوگوار خاندان سے تعزیت کا اظہار کرتا ہوں۔
ایک ہفتے کے دوران سعودی عرب سے 11 ہزار 915 غیر قانونی تارکین گرفتار
انہوں نے مزید لکھا کہ اللہ تعالیٰ مرحوم کی مغفرت اور جنت الفردوس میں اعلیٰ مقام عطا فرمائے۔
خیال رہے کہ دو دن قبل جمعے کی صبح سابق وزیر تعلیم اور شاہی خاندان کے سینیئر رکن شیخ محمد بن حمد بن عبداللہ بن جاسم الثانی انتقال کرگئے تھے۔
سعودی ولی عہد محمد بن سلمان کی طرف سے بھی انکے انتقال پر گہرے دکھ کا اظہار کیا گیا تھا۔
