8 سے 10 اگست کو اسمبلیاں تحلیل ہو جائیں گی، منظور وسان

پیش گوئی

پاکستان پیپلز پارٹی کے سینئر رہنما منظور وسان نے کہا ہے کہ 8 سے 10 اگست کو اسمبلیاں تحلیل ہو جائیں گی ۔

صوبائی مشیر زراعت نے کہا ہے کہ آئندہ بننے والی حکومت میں وزیراعظم پیپلز پارٹی یا ن لیگ سے ہو گا ۔

انکا کہنا تھا کہ مجھے لگ رہا ہے کہ عام انتخابات اکتوبر کے بجائے  نومبر میں ہوں گے اس طرح الیکشن کمیشن کومزید وقت مل جائے گا۔

انہوں نے کہا کہ پاکستان پیپلزپارٹی کا موقف یہی ہے کہ عام انتخابات وقت پر کرائے جائیں، آئندہ الیکشن میں جھاڑو پھرنے جارہا ہے۔

رہنما پی پی پی نے مزید کہا ہے کہ ہم چاہتےہیں کہ عام انتخابات پرانی مردم شماری پرکرائے جائیں، آئندہ بننے والی حکومت کا وزیراعظم پاکستان پیپلز پارٹی سے یا پھر ن لیگ سے ہو گا ۔

 


متعلقہ خبریں