سپریم اپیلٹ کورٹ نےگلگت بلتستان کے نئے وزیراعلیٰ جی بی کے انتخاب کیلئے شیڈول کی منظوری دیدی جس کے مطابق 13 جولائی کوگلگت بلتستان کے نئے وزیراعلیٰ کیلئے انتخاب ہوگا۔
جی بی اسمبلی کےاسپیکر نذیر احمد ایڈووکیٹ نے عدالت میں وزیراعلیٰ کے انتخاب کا نیا شیڈول پیش کیا تھا جس کی عدالت نے منظوری دی ۔
شیڈول کے مطابق 12 جولائی کو کاغذات نامزدگی داخل کیے جاسکیں گے۔
وزیراعلیٰ گلگت بلتستان کا انتخاب، پی ٹی آئی کا فارورڈ گروپ بن گیا
عدالت نے اسپیکر کو 72 گھنٹوں کے اندر وزیراعلیٰ کے انتخاب کے لیے نیا شیڈول جمع کرانے کا حکم دیا تھا اور اسپیکر کو آج نئے الیکشن شیڈول کے ساتھ پیش ہونے کا کہا تھا۔
اس حوالے سے تحریک انصاف کے ناراض رکن اسمبلی حاجی شاہ بیگ نے درخواست دائر کی تھی۔
