چوتھا ٹی ٹوئنٹی میچ بارش کے باعث منسوخ

پاکستان اور نیوزی لینڈ کے درمیان ٹی 20 سیریز کا چوتھا میچ ژالہ باری کے سبب منسوخ کر دیا گیا۔

راولپنڈی میں پاکستان کی دعوت پر پہلے بیٹنگ کرتے ہوئے نیوزی لینڈ نے 18.5 اوورز میں 5 وکٹوں پر 164 رنز بنائے تھے کہ اچانک طوفانی بارش اور شدید ژالہ باری کے باعث کھیل روک دیا گیا۔

نیوزی لینڈ کی جانب سے مارک چیپ مین ناقابلِ شکست 71 رنز بنا کر نمایاں رہے۔ چیڈ بوز 54، کپتان ٹام لیتھم 13، رچن روندرا 8، ول ینگ 6 اور ڈیرل مچل 3 رنز بنا کر آوٹ ہوئے۔
پاکستان کی جانب سے عماد وسیم نے 3 جبکہ شاہین شاہ آفریدی اور حارث رؤف نے 1، 1 وکٹ حاصل کی۔

تیز بارش کے باعث گراؤنڈ میں پانی کھڑا ہوگیا اوردوبارہ کھیل شروع کرنا ممکن نہ تھا جس کی وجہ امپائرز نے نتیجہ کے ببغیرمیچ ختم کرنے کا اعلان کردیا۔

پاکستان کو پانچ میچوں پر مشتمل ٹی ٹوئنٹی سیریز میں دو ایک برتری حاصل ہے۔