اسلام آباد: قومی کرکٹ ٹیم کے فاسٹ باؤلر شاہین آفریدی نے فلسطین میں اسرائیلی مظالم کے خلاف پیغام جاری کر دیا۔
قومی کرکٹ ٹیم کے فاسٹ باؤلر شاہین شاہ آفریدی نے فلسطینیوں سے اظہار یکجہتی کرتے ہوئے سماجی رابطے کی ویب سائٹ ٹوئٹر پر لکھا کہ مومن ایک جسم کی طرح ہوتے ہیں اور اگر جسم کا کوئی حصہ تکلیف میں ہوتو پورے جسم کو تکلیف ہوتی ہے۔
انہوں نے لکھا کہ ہم بار بار مسجد اقصیٰ میں ہونے والے مظالم کو محسوس کر سکتے ہیں۔
شاہین آفریدی نے دُعا کرتے ہوئے کہا کہ اللہ تعالیٰ فلسطینی عوام کی مشکلات کو آسان فرمائے۔ آمین
Believers resemble one body, so that, if any part of the body is not well then the whole body shares the sleeplessness.
We can feel the cruelty being carried out in #MasjidAlAqsa time & time again. Remember the oppressed ones.
May Almighty ease their sufferings. Aameen. 🤲
— Shaheen Shah Afridi (@iShaheenAfridi) April 7, 2023
واضح رہے کہ رمضان المبارک کے دوران فلسطین میں ایک بار اسرائیلی مظالم میں تیزی آ گئی ہے جبکہ اسرائیلی کی جانب سے غزہ میں فضائی حملہ بھی کیا گیا۔
اسرائیلی فوج کی جانب سے پرامن احتجاج کرنے والے فلسطینی عوام پر شیلنگ کی گئی اور ہینڈ گرنیڈ استعمال کیے گئے۔ یہودی فورسز کی جانب سے فلسطینیوں کو مسجد اقصیٰ میں نماز کی ادائیگی سے بھی روکا جا رہا ہے۔
