سابق وزیراعظم نواز شریف کے قریبی ساتھی ناصر بٹ کی تہرے قتل کیس میں ضمانت خارج کر دی گئی ۔
تفصیلات کے مطابق راولپنڈی میں ایڈیشنل ڈسٹرکٹ اینڈ سیشن کورٹ میں تہرےقتل کیس کی سماعت ہوئی ، کیس کی سماعت ایڈیشنل ڈسٹرکٹ اینڈ سیشن جج سہیل انجم نے کی۔کیس کی عدم پیروی اور عدم حاضری پرناصر بٹ کی ضمانت خارج کردی گئی۔
جج ویڈیو اسکینڈل: ناصر بٹ کے خلاف تہرے قتل کا مقدمہ کھل گیا
یاد رہے کہ ناصر بٹ کیخلاف تہرے قتل کامقدمہ تھانہ صادق آباد راولپنڈی میں درج ہے، مقدمے کے اندراج کے بعد سے ملزم ناصر بٹ لندن میں مقیم تھے جو کہ گزشتہ ماہ ہی جلا وطنی ختم کرکے پاکستان پہنچے تھے۔
ناصر بٹ نےحلقہ پی پی 16 سے کاغذات نامزدگی جمع کرا رکھے تھے۔
