لاہور: پاکستان تحریک انصاف کے ہیڈ آف میڈیا افیئرز فواد چودھری نے کہا ہے کہ آج جسٹس جواد حسن نے عدلیہ کا مان رکھ لیا ہے۔
لاہور ہائیکورٹ کا الیکشن کمیشن کو پنجاب میں الیکشن کی تاریخ کا اعلان کرنیکا حکم
انہوں نے لاہورہائی کورٹ کے فیصلے پر ردعمل میں کہا کہ لاہور ہائیکورٹ کا فیصلہ تاریخی ہے، آئین کا تحفظ عدلیہ کی بنیادی ذمہ داری ہے۔
سابق وفاقی وزیر فواد چودھری نے کہا کہ وفاقی حکومت ہمارے ساتھ بیٹھے اور قومی الیکشن پر بات چیت کرے۔
سابق وزیراعلیٰ پنجاب چودھری پرویز الٰہی نے لاہور ہائیکورٹ کے فیصلے کو خوش آئند قرار دیتے ہوئے کہا عدلیہ سے انصاف کی امید تھی، آئین کی سربلندی قائم رکھی۔
کیوں نہ عمران خان کو بلا کر پوچھا جائے کہ اسمبلی نہیں جانا تو الیکشن کیوں لڑرہے ہیں؟ چیف جسٹس
ق لیگ کے مرکزی رہنما چودھری پرویزالہٰی نے کہا کہ اس فیصلے سے عدلیہ کے وقار میں اضافہ ہوا ہے، الیکشن کمیشن کو لاہور ہائیکورٹ کے فیصلے کے بعد اب دیر نہیں کرنی چا ہیے، فوری الیکشن شیڈول کا اعلان کرے۔
