جمعیت علمائے اسلام (جے یو آئی) ف کے سربراہ مولانا فضل الرحمان نے کہا ہے کہ عمران حکومت مزید رہتی تو ملک تباہ ہوجاتا۔
ایک جلسے سے خطاب میں انہوں نے کہا کہ ہم نے ملک کی بقا کی جنگ لڑی، مہنگائی اور مشکلات کے دلدل سے ہمیں نکلنا ہے، آئین ابھی بھی ہدف پر ہے۔
ان کا کہنا تھا کہ فارن فنڈنگ کیس کو دباؤ کے تحت لمبا کیا جا رہا ہے، ملک کے ادارے حکومت کی پشت پر کھڑے ہوں، آئی ایم ایف اور فیٹف کا بھی ڈٹ کر مقابلہ کریں گے۔
وزیراعظم سے مولانا فضل الرحمان کی ملاقات، سیاسی صورتحال اور آئندہ کی حکمت عملی پر مشاورت
انہوں نے کہا کہ ملک کیخلاف کوئی سازش کامیاب نہیں ہونے دیں گے۔
فضل الرحمان نے کہا کہ کسی ریاست میں سیاسی عدم استحکام ہو تو پہلے وہاں معاشی عدم استحکام پیدا کیا جاتا ہے، یہ پانامہ کا مسئلہ تھا وہ سیاسی تھا ،اس کے بعد انہوں نے معاشی عدم استحکام پیدا کیا ،امریکہ افغانستان میں مکمل ناکام ہوا، ان کا نشانہ اس خطے میں پاکستان تھا۔
ان کا کہنا تھا کہ ایسی پالیسیاں بنائیں جس سے خامی دور ہو اور گھر کی تعمیر کی جائے،نوجوان نسل حاصل کیے گئے علم پر عمل کرے،پوری قوم صرف آئین پر متحد ہو سکتی ہے۔
انہوں نے کہا کہ گزشتہ نااہل حکومت کیخلاف تمام جماعتوں کو ایک پلیٹ فارم پر اکٹھا کیا،2018کے انتخابات کے بعد سیاسی قوتوں کا ایک جگہ اکٹھا ہونا ضروری تھا۔
