پاکپتن: پنجاب کے ضلع پاکپتن میں رکن صوبائی اسمبلی نوید علی کے والد کو قتل کر دیا گیا۔
پولیس کے مطابق رکن پنجاب اسمبلی نوید علی کے والد رانا احمد علی کو مبینہ فائرنگ کر کے قتل کیا گیا ہے۔ احمد علی آرائیں اپنے کمرے میں مردہ حالت میں پائے گئے۔
پولیس ذرائع کے مطابق فرانزک لیبارٹری کی ٹیمیں جائے وقوعہ کا جائزہ لے رہی ہیں جبکہ سی سی ٹی وی کیمروں کا ریکارڈ پولیس تحویل میں ہے اور تحقیقات جاری ہیں۔
وزیر اعلیٰ پنجاب حمزہ شہباز نے رکن صوبائی اسمبلی نوید علی کے والد کے قتل کا سخت نوٹس لیتے ہوئے آئی جی پنجاب سے رپورٹ طلب کر لی۔
یہ بھی پڑھیں: آمدن چھپانے پر شاہ محمود قریشی کی اہلیہ پر ٹیکس عائد
وزیر اعلیٰ پنجاب حمزہ شہباز نے رکن پنجاب اسمبلی نوید علی آرائیں سے دلی ہمدردی و اظہار تعزیت کیا اور کہا کہ قتل میں ملوث ملزمان کوفی الفور قانون کی گرفت میں لایا جائے۔
