پاکستان تحریک انصاف (پی ٹی آئی) نے نو منتخب وزیراعلیٰ پنجاب حمزہ شہباز کے حلف سے متعلق لاہور ہائی کورٹ کا فیصلہ چیلنج کرنے کا فیصلہ کر لیا۔
ترجمان پی ٹی آئی کے مطابق انٹرا کورٹ اپیل تیاری کی جا رہی ہے،پی ٹی آئی کے وکلا کچھ دیر میں ہائیکورٹ میں جمع کرائیں گے۔
انہوں نے بتایا کہ وزیر اعظم کی پہلے سے بھجوائی گئی سمری ابھی ایوان صدرمیں موجود ہے، صدریا گورنر ہی کسی اورشخصیت کو حلف لینے کے لیے نامزد کرسکتے ہیں۔
نو منتخب وزیراعلیٰ پنجاب حمزہ شہباز کا کل تک حلف لیا جائے، عدالت کا حکم
خیال رہے کہ لاہور ہائی کورٹ نے اسپیکر قومی اسمبلی راجہ پرویز اشرف کو حمزہ شہباز سے وزیر اعلیٰ پنجاب کا حلف لینے کا حکم دے دیا۔
عدالت نے حکم دیا ہے کہ اسپیکر قومی اسمبلی کل 11:30 حمزہ شہباز سے حلف لیں۔
جسٹس جواد حسن نےحمزہ شہباز کی درخواست پر فیصلہ محفوظ کیا تھا۔ لاہورہائیکورٹ نے 9صفحات کا فیصلہ جاری کیا ہے جس میں کہا گیا کہ ہائی کورٹ آفس عدالتی حکم سے سیکریٹری قانون کو آگاہ کریں۔