قومی کرکٹ ٹیم کے سابق کپتان و مایہ ناز آل راونڈر شاہد آفریدی نے نیوزی لینڈ کے اچانک دورہ پاکستان منسوخی پر شدید مایوسی کا اظہار کیا ہے۔
سماجی رابطوں کی ویب سائٹ ٹوئٹر سے جاری پیغام میں شاہد آفریدی نے کہا ہے کہ تمام یقین دہانیوں کے باوجو سیکیورٹی رسک پر ٹور کو منسوخ کر دیا گیا۔
انہوں نے نیوزی لینڈ ٹیم کو ٹیگ کرتے ہوئے کہا ہے کہ کیا آپ کو اندازہ ہے کہ اس فیصلے کے پاکستان پر کیا اثرات ہوں گے؟
On a HOAX threat you have called-off the tour despite all assurances!! @BLACKCAPS do you understand the IMPACT of your decision?
— Shahid Afridi (@SAfridiOfficial) September 17, 2021
واضح رہے کہ نیوزی لینڈ کرکٹ ٹیم نے دورہ پاکستان ختم کرنے کا اعلان کر دیا ہے۔ جس کے باعث پاکستان اور نیوزی لینڈ کے درمیان کرکٹ سیریز منسوخ کر دی گئی ہے۔
سی ای او نیوزی لینڈ کرکٹ ٹیم نے کہا ہےکہ ان کے لیے دورہ پاکستا ن جاری رکھنا ممکن نہیں ۔پاکستان کرکٹ بورڈ نے کہا ہے کہ نیوزی لینڈ کرکٹ بورڈ نے یکطرفہ طور پر سیریز ملتوی کرنے کا فیصلہ کیا۔
یہ بھی پڑھیں: سیریز منسوخ: وزیراعظم کا نیوزی لینڈ کی ہم منصب سے رابطہ
مہمان ٹیم کی سیکیورٹی کے لیے فول پروف انتظامات کررکھے تھے، نیوزی کرکٹ بورڈ کو سیکیورٹی انتظامات کی یقین دہانی کرائی تھی۔
پاکستان اور نیوزی لینڈ کی ٹیمیوں کے مابین 18 سال بعد پاکستان میں میچ ہونے جا رہا تھا۔ آخری لمحے پر دورہ منسوخ کر دیا گیا۔