پاکستان کیلئے 23 کروڑ 50 لاکھ ڈالر قرض کی منظوری

ایشیائی ترقیاتی بینک Asian development bank

ایشیائی ترقیاتی بینک (اے ڈی بی) نے پاکستان کے لیے 23 کروڑ 50 لاکھ ڈالر قرض کی منظوری دے دیْ

اے ڈی بی کے جاری کردہ اعلامیہ کے مطابق قرض قومی شاہراہ این 55 شکار پور راجن پور کی اپ گریڈیشن کے لیے دیا جا رہا ہے جبکہ شکار پور راجن پور سیکشن کو منصوبے کے تحت دو لین سے چار لین کیا جائے گا۔

این 55 کی اپ گریڈیشن سینٹرل ایشیا ریجنل اکنامک کوآپریشن کوریڈور کے تحت کی جائے گی۔

این 55 شاہراہ وسطی ایشیا علاقائی اقتصادی تعاون کوریڈور منصوبے کا حصہ ہے جو کہ کراچی اور گوادر بندرگاہوں کو قومی اور بین الاقوامی مراکز کے ساتھ منسلک کرتی ہے۔اس منصوبے سے سندھ اور پنجاب سے گزرنے والی اس شاہراہ کی استعداد کاری بہتر ہو گی۔

یہ بھی پڑھیں: یوٹیلٹی اسٹورز پر مزید اشیا کی قیمتوں میں اضافہ

ایشیائی ترقیاتی بینک کے مطابق یہ منصوبہ سڑک کے حفاظتی نظام کو نافذ کرنے اور حادثے کے بعد موثر جواب کو یقینی بنانے کے لیے بس اسٹاپس، ایمرجنسی رسپانس سینٹرز اور ٹریفک پولیس کی سہولیات کی تعمیر کرے گا۔

یہ بھی پڑھیں: افغانستان کے اثاثے کتنے اور کہاں ہیں؟

بس اسٹاپس اور ایمرجنسی رسپانس سینٹرز میں استعمال کنندگان بشمول بوڑھے، خواتین، بچے اور معذور افراد کے لیے مختلف سہولیات اور آرام کی جگہیں شامل ہوں گی۔


متعلقہ خبریں