وزیر تعلیم سندھ سعید غنی نے صوبہ بھر میں تعلیمی ادارے 23 مئی تک بند رکھنے کا اعلان کیا ہے۔
سماجی رابطوں کی ویب سائٹ ٹوئٹر پر شیئر کیے گئے پیغام میں انہوں نے اعلان کیا کہ سندھ بھر کے تعلیمی ادارے 23 مئی تک بند رہیں گے۔
Pursuant to the decision of NCOC, the closure of the Educational Institutions in Sindh has been extended up to 23rd May 2021. pic.twitter.com/N2aYVJNXRY
— Senator Saeed Ghani (@SaeedGhani1) May 14, 2021
سعید غنی کی جانب سے جاری کردہ پیغام میں یہ بھی کہا گیا ہے کہ آن لائن کلاسز اور دیگر ذرائع سے تعلیم کا سلسلہ جاری رہے گا۔
صوبای وزیر سندھ نے تحریر کیا کہ تعلیمی ادارے کے سربراہ پرنسپل یا ہیڈ ماسٹر کچھ اساتذہ اور غیر تدریسی عملہ کو بلا سکیں گے، تعلیمی سلیبس کسے متعلق گائیڈ لائنز پر مکمل عمل درآمد کو یقینی بنایا جائے۔
گزشتہ روز وزیر تعلیم پنجاب مراد راس نے صوبے بھر میں اسکولوں کی بندش سے متعلق اہم بیان دیا تھا۔
سماجی رابطوں کی ویب سائٹ ٹوئٹر سے جاری پیغام میں انہوں نے لکھا کہ پنجاب کے تمام سرکاری ونجی اسکول 23 مئی 2021 تک بند رہیں گے۔
ڈاکٹر مراد راس نے بتایا تھا کہ اسکولوں کی بندش کا فیصلہ کورونا کے پھیلاؤ کی صورتحال کے پیش نظر کیا گیا ہے۔
ان کا کہنا تھا کہ 18 مئی 2021 کو اس متن میں جائزہ اجلاس منعقد کیا جائے گا، تمام لوگ حکومت کےجاری کردہ کورونا ایس اوپیز پرعملدرآمد کو یقینی بنائیں۔
