اسلام آباد: وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان کے مطابق شاہد خاقان عباسی کا یہ بیان کہ “ماضی کے ماڈل ملکی مسائل حل نہ کر سکے نئے راستے تلاش کرنے کی ضرورت ہے” اعتراف جرم ہے۔
فردوس عوان نے ٹویٹ کیا کہ تین دہائیوں سے قوم پر مسلط رہنے والے آج قوم کے سامنے اپنی ناکامیوں کو قبول رہے ہیں۔ پاکستان کے عوام عمران خان کو وزیراعظم منتخب کرکے نیا راستہ تلاش کر چکے ہیں۔
شاہد خاقان صاحب آپ کا یہ بیان “ماضی کے ماڈل ملکی مسائل حل نہ کر سکے نئے راستے تلاش کرنے کی ضرورت ہے” اعتراف جرم ہے۔ تین دہائیوں سے قوم پر مسلط رہنے والے آج قوم کے سامنے اپنی ناکامیوں کو قبول رہے ہیں۔ پاکستان کے عوام عمران خان کو وزیراعظم منتخب کرکے نیا راستہ تلاش کر چکے ہیں۔
— Dr. Firdous Ashiq Awan (@Dr_FirdousPTI) March 6, 2020
ان کا کہنا تھا کہ پاکستان کے عوام 2خاندانوں کی موروثی وسیاسی ماڈل سے بیزار ہیں۔ عوام کی دہائی ہے کہ اب یہ خاندان دوبارہ مسلط نہ ہوں۔
ڈاکٹر فردوس عاشق اعوان نے ٹویٹ کیا کہ آج جمہوریت کی باتیں کرنے والے اپنے دور میں آئینی ترمیم کرکے بادشاہ سلامت بننے کی کوشش کرتے رہے۔
پاکستان کے عوام 2خاندانوں کی موروثی وسیاسی ماڈل سے بیزار ہیں۔ عوام کی دہائی ہے کہ اب یہ ان پر دوبارہ مسلط نہ ہوں۔ آج جمہوریت کی باتیں کرنے والے اپنے دور میں آئینی ترمیم کرکے بادشاہ سلامت بننے کی کوشش کرتے رہے۔
— Dr. Firdous Ashiq Awan (@Dr_FirdousPTI) March 6, 2020
انہوں نے کہا کہ “کمپنی سیاست” میں تمام شیئرز خاندان ہی کے پاس رہتے ہیں۔ ان کی جمہوریت یہ تھی کہ بڑا بھائی خود وزیراعظم، چھوٹا وزیراعلی، بھتیجا سب سے بڑے صوبے کا مختاراعلی اور صاحبزادی “سوپروزیراعظم” کا درجہ رکھتی تھیں۔
وزیراعظم کی معاون خصوصی نے کہا کہ عمران خان عوام کے وہ مقبول رہنما ہے جنھوں نے حقیقی عوامی راج قائم کیا۔
