اسلام آباد: وزیر اعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ لیگی رہنما نواز شریف کی بیماری پر سیاست کرنا چاہتے ہیں ان کا علاج نہیں۔
ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر لکھا کہ نواز شریف کو 4 ہفتوں کے لیے بیرون ملک جانے کی اجازت دینے کے حکومتی فیصلے کو متعصبانہ قرار دینا نہایت افسوسناک ہے۔
محمد نواز شریف کو چار ہفتوں کے لئے بیرون ملک جانے کی اجازت دینے کے حکومتی فیصلے کو متعصبانہ قرار دینا نہایت افسوسناک ہے۔سیاست کو پس پشت ڈال کر انسانی ہمدردی کی بنیادوں پر نیک نیتی سے فیصلہ کیا۔قانون کی پاسداری حکومت کی آئینی ذمہ داری ہے۔
— Firdous Ashiq Awan (@Dr_FirdousPTI) November 13, 2019
انہوں نے کہا کہ سیاست کو پس پشت ڈال کر انسانی ہمدردی کی بنیادوں پر نیک نیتی سے فیصلہ کیا گیا ہے اور قانون کی پاسداری حکومت کی آئینی ذمہ داری ہے۔
یہ بھی پڑھیں نواز شریف کا مشروط طور پر بیرون ملک جانے سے انکار
ڈاکٹر فردوس عاشق اعوان نے کہا کہ لیگی ردعمل اس امر کا ثبوت ہے کہ وہ نواز شریف کی بیماری پر سیاست کرنا چاہتے ہیں ان کا علاج نہیں۔ اگر آپ قانون کا احترام کرتے ہیں تو گارنٹی کے قانونی تقاضے کو پورا کرنے میں کیا عار ہے؟
لیگی ردعمل اس امرکا ثبوت ہے کہ وہ میاں صاحب کی بیماری پر سیاست کرنا چاہتے ہیں،علاج نہیں۔اگر آپ قانون کا احترام کرتے ہیں تو indemnity bond کے قانونی تقاضے کو پورا کرنے میں کیا عار ہے؟
— Firdous Ashiq Awan (@Dr_FirdousPTI) November 13, 2019
انہوں نے کہا کہ یہ مسئلہ پاکستان تحریک انصاف (پی ٹی آئی) اور مسلم لیگ ن کا نہیں ہے، یہ ایک شخص کی صحت کا مسئلہ ہے جس کو ریلیف دینے کے لیے حکومت نے غیر معمولی اقدام اٹھایا ہے۔
