دبئی: پاکستان سپر لیگ ( پی ایس ایل تھری) کے 24ویں میچ میں کراچی کنگز نے لاہور قلندرز کو جیت کے لیے 164رنز کا ہدف دیا ہے۔
دبئی انٹرنیشنل کرکٹ اسٹیڈیم میں کھیلے گئے میچ میں قلندرز نے ٹاس جیت کر کنگز کو پہلے بیٹنگ کی دعوت دی۔
کنگز نے پہلے بیٹنگ کرتے ہوئے مقررہ 20 اوورز میں پانچ وکٹوں کے نقصان پر 163 رنز بنائے۔
میچ کے آغاز میں کنگز کی جانب سے لینڈل سیمنز اور جو ڈینلے اوپننگ کے لیے میدان میں آئے۔ اوپنر بلے باز پہلی وکٹ کے لیے 19 رنز کی پارٹنرشپ قائم کر سکے۔
جو ڈینلے کراچی کی جانب سے آؤٹ ہونے والے پہلے کھلاڑی تھے۔ انہوں نے چار گیندوں کا سامنا کرتے ہوئے صرف تین رنز بنائے اور سہیل خان کی گیند پر مچل میکلنگن کے ہاتھوں کیچ آؤٹ ہوئے۔
لینڈل سیمنز نے نئے آنے والے کھلاڑی بابر اعظم کے ساتھ مل کر اسکور کو 91 رنز تک پہنچایا۔ سیمنز نے اس دوران شاندار نصف سنچری مکمل کی۔
Lendl Simmons brings up his half century on just 30 balls. It has been a #DeDhanaDhan innings by Kings opener so far.#LQvKK pic.twitter.com/VwJRjD68PE
— PakistanSuperLeague (@thePSLt20) March 11, 2018
انہوں نے 39 گیندوں کا سامنا کرتے ہوئے 55 رنز بنائے۔ انہوں نے ایک چھکے اور آٹھ چوکوں کی مدد سے اپنی اننگ مکمل کی اور یاسر شاہ کی گیند پر کپتان میکلم کو کیچ دے کر آؤٹ ہو گئے۔
OUT! 11.3 Sohail Khan to Lendl Simmons
Watch ball by ball highlights at https://t.co/s71JGtYlyg#KKvLQ #HBLPSL #PSL2018 @_cricingif pic.twitter.com/0XqU5I9wCj— PakistanSuperLeague (@thePSLt20) March 11, 2018
بابر اعظم نے کولن انگرام کے ساتھ مل کر مزاحمت کی کوشش کی اور 42 گیندوں کا سامنا کرتے ہوئے ٹورنامنٹ کی مسلسل تیسری نصف سنچری مکمل کی۔
Babar Azam is making full use of the chance given to him by Shaheen Shah posts his 3rd successive 50 for Kings#HBLPSL #DilSeJaanLagaDe #LQvKK pic.twitter.com/1xfuefS3H4
— PakistanSuperLeague (@thePSLt20) March 11, 2018
چار رنز کے انفرادی اسکور پر کولن انگرام کا آسان کیچ ڈراپ ہوا۔ تاہم کنگز بلے باز دوسرے موقع کا استعمال نہ کر سکے اور 13 گیندوں کا سامنا کرتے ہوئے 12 رنز بنا کر پویلین لوٹ گئے۔ انہیں سہیل خان کی گیند پر گلریز صدف نے کیچ آؤٹ کیا۔
بابر اعظم آؤٹ ہوئے تو ٹیم کا ٹوٹل اسکور 147 تھا۔ بابر اعظم 61 بنا کر آؤٹ ہوئے۔ انہوں نے ایک چھکے اور چھ چوکوں کی مدد سے 49 گیندوں کا سامنا کرتے ہوئے اپنی اننگ مکمل کی۔
شاہد آفریدی میدان میں آئے تو سابقہ روایت کو برقرار رکھتے ہوئے چھکے سے اننگ کا آغاز کیا۔ آفریدی دوسری ہی گیند پر چھ رنز بنا کر شاہین آفریدی کی گیند کا شکار بن گئے۔
قلندرز کی جانب سے سہیل خان نے تین کھلاڑیوں کو پویلین کی راہ دکھائی۔
