دبئی: پاکستان سپر لیگ ( پی ایس ایل تھری) کے 22ویں میچ میں کراچی کنگز نے ملتان سلطانز کے خلاف شاندار فتح اپنے نام کر لی۔
کنگز نے ملتان کو 63 رنز سے شکست دے دی۔ یہ پی ایس ایل کے رواں سیزن کی دوسری بڑی ہار ہے۔
Karachi Kings won by 63 runs.
OUT! 19.4 Usman Khan to Mohammad Irfan
Watch ball by ball highlights at https://t.co/0U1go038Vz#MSvKK #HBLPSL #PSL2018 @_cricingif pic.twitter.com/zVwupYjFVU— PakistanSuperLeague (@thePSLt20) March 10, 2018
اس سے پہلے ایونٹ کے 19ویں میچ میں کوئٹہ گلیڈی ایٹرز نے کراچی کنگز کو 67 رنز کے بڑے مارجن سے شکست دی تھی۔
پی ایس ایل تھری کے 22ویں میچ میں کراچی کے 189 رنز کے ہدف کے تعاقب میں ملتان کی پوری ٹیم 125 رنز بنا کر آؤٹ ہوگئی۔
میچ کے آغاز میں سلطانز کی جانب سے سنگا کارا اور احمد شہزاد اوپننگ کرنے میدان میں آئے۔ 41 کے مجموعے پر سنگاکارا 18 رنز بنا کرآؤٹ ہوئے۔
دوسری وکٹ صہیب مقصود کی گری جو 7گیندوں پر 11 رنز بنا کر عثمان خان کی گیند پر پویلین لوٹے۔ صہیب آؤٹ ہوئے تو ٹیم کا اسکور 52 تھا۔
Kings are one 🔥 the #DeDhanaDhan mode is ON.
MS 59 for 4#HBLPSL #DilSeJaanLagaDe #KKvMS pic.twitter.com/mHk3PKBAm1— PakistanSuperLeague (@thePSLt20) March 10, 2018
ملتان کی تیسری وکٹ 53 کے مجموعی اسکور پر گری جب اوپنر بلے باز احمد شہزاد 17 گیندوں پر 24 رنز بنا کر پویلین لوٹ گئے۔ انہیں عماد وسیم نے آؤٹ کیا۔
احمد شہزاد کے بعد آنے والے تینوں کھلاڑی شاہد آفریدی کی باؤلنگ کا شکار بنے۔
4 Overs
1 Maiden
18 runs
3️⃣ wickets
Lala did what he does best!#dedhanadhan #HBLPSL #DilSeJaanLagaDe #KKvMS pic.twitter.com/BP6nFqtSBZ— PakistanSuperLeague (@thePSLt20) March 10, 2018
کیرن پولارڈ تین، سیف بدر 13 اور شعیب ملک چھ رنز بنا کر شاہد آفریدی کی گیند پر پویلین لوٹے۔
For his match winning spell of bowling the King of @KarachiKingsARY, @SAfridiOfficial is our Man of the Match#KKvMS #DilSeJaanLagaDe #HBLPSL pic.twitter.com/R2zFYSjBhp
— PakistanSuperLeague (@thePSLt20) March 10, 2018
12ویں اوور میں ملتان سلطانز نے 79 کے ٹوٹل اسکور پر چھ اہم وکٹیں کھو دیں۔
ہاردوس ویلجوئن ملتان کی جانب سے آؤٹ ہونے والے ساتویں کھلاڑی تھے۔ ویلجوئن دو رنز اپنے ریکارڈ میں لکھوا کر رن آؤٹ ہوئے۔
OUT! 12.5 Joe Denly to Sohail Tanvir (Hardus Viljoen run out)
Watch ball by ball highlights at https://t.co/0U1go038Vz#MSvKK #HBLPSL #PSL2018 @_cricingif pic.twitter.com/beU3eD4A89— PakistanSuperLeague (@thePSLt20) March 10, 2018
عمران طاہر دو، جنید خان ایک اور محمد عرفان چھ رنز بنا کر آؤٹ ہوئے۔
OUT! 15.4 Mohammad Amir to Imran Tahir
Watch ball by ball highlights at https://t.co/0U1go038Vz#MSvKK #HBLPSL #PSL2018 @_cricingif pic.twitter.com/KYc8jiNAG7— PakistanSuperLeague (@thePSLt20) March 10, 2018
کراچی کی جانب سے شاہد آفریدی نے چار اوورز میں 18 رنز دے کر تین کھلاڑیوں کو پویلین کی راہ دکھائی۔
آفریدی میچ کے بہترین کھلاڑی کا اعزاز حاصل کرنے میں کامیاب رہے۔
اس سے قبل میچ کے آغاز میں کراچی کنگز نے پہلے بیٹنگ کرتے ہوئے مقررہ 20 اوورز میں پی ایس ایل کے تیسرے ایڈیشن کا سب سے بڑا ہدف دیا۔
کنگز نے تین وکٹوں کے نقصان پر 188 رنز بنائے۔
کنگز کی جانب سے جو ڈینلے اور بابر اعظم نے بالترتیب 78 اور 58 رنز کی شاندار اننگ کھیلی۔
کولن انگرام 29 رنز بنا کر ناٹ آؤٹ رہے۔ انہوں نے آٹھ گیندوں کا سامنا کرتے ہوئے چار چوکے اپنے ریکارڈ میں لکھوائے۔
