اسلام آباد: پاکستان کے دفتر خارجہ نے کہاہے کہ کنڑول لائن پر بھارتی جارحیت کا بھر پور جواب دیا جائیگا۔
دفتر خارجہ کے ترجمان ڈاکٹر محمد فیصل نےیہ بات سماجی رابطے کی ویب سائٹ ٹوئٹر پرکہی ہے۔ ڈاکٹر فیصل نے کہا کہ بھارت کو 27 فروری کا دن نہیں بھولنا چاہیے،اس بھارتی جارحیت کی بھرپور مذمت کرتے ہیں۔
ترجمان دفترخارجہ ڈاکٹر محمد فیصل نے اپنے بیان میں کہا ہے کہ بھارتی جارحیت قابل مذمت ہے ۔ بھارت کو مناسب اور بھر پور جواب دیا جائے گا۔ بھارتی فوج نے کلسٹر بم گرائے اور سویلین آبادی کو نشانہ بنایا۔
Use of cluster ammunition along LOC & deliberate targeting of Civilians by India, is a blatant violation of Convention on Cluster Ammunition & international humanitarian laws.
International community should take notice of Indian actions which are violation of International laws.— Dr Mohammad Faisal (@DrMFaisal) August 3, 2019
ڈاکٹر محمد فیصل کی طرف سے کہا گیاہے کہ بھارتی فوج نے انسانی حقوق اور عالمی قوانین کی سنگین خلاف ورزی کی ہے۔
اس سے قبل وزیر خارجہ شاہ محمود حسین قریشی نے کہا کہ مقبوضہ کشمیر کےحالات بھارت کےہاتھ سےنکل چکےہیں۔اقوام متحدہ کی ذمےداری ہےکہ مسئلہ کشمیرکو حل کرانے میں کردار ادا کرے۔
وزیرخارجہ شاہ محمود قریشی نے یہ بات سرکاری ٹی وی سے گفتگو میں کہی۔ انہوں نے کہا کہ اقوام متحدہ کوبھارت کیجانب سےسیزفائرمعاہدےکی خلاف ورزی سےمتعلق خط بھی لکھا ہے۔ بھارت نےمعصوم شہریوں پرکلسٹر ایمونیشن کا استعمال شروع کردیاہے۔
شاہ محمود قریشی نے کہا کہ کلسٹرایمونیشن کااستعمال بین الاقوامی قوانین اور جنیواکنونشن کی خلاف ورزی ہے۔امریکی صدر بھی مسئلہ کشمیر کےحل کے لیے ثالثی کا کردار ادا کرنے کو تیار ہیں مگربھارت اب بھی مذاکرات کے لیے تیار نہیں ہے۔
انہوں نے کہا کہ دنیا پاکستان کی مقبولیت اور امن کی خواہش دیکھ رہی ہے،مقبوضہ کشمیر کےحالات بھارت کےہاتھ سےنکل چکےہیں، لگتا ہےکہ بھارت بوکھلاہٹ کا شکار ہوچکاہے۔
واضح رہے کہ بھارت کی جانب سے لائن آف کنٹرول پر شہریوں کو نشانہ بنانے کے لیے کلسٹر ٹوائے بم کے استعمال کا انکشاف ہوا ہے جس کے نتیجے میں چار سالہ بچے سمیت دو افراد شہید اور 11 زخمی ہوگئے۔
پاک فوج کے شعبہ تعلقات عامہ (آئی ایس پی آر) کے مطابق بھارت نے وادی نیلم میں کلسٹر ٹوائے بم سے آبادی کو ہدف بنایا۔
بھارتی فوج ایل او سی پر کلسٹر ایمونیشن کے ذریعے شہری آبادیوں کو نشانہ بنا رہی ہے اور ایسا کرنا جنیوا کنونشن اور بین الاقوامی انسانی قوانین کی خلاف ورزی ہے۔
یہ بھی پڑھیے: مقبوضہ کشمیر کےحالات بھارت کے ہاتھ سےنکل چکےہیں، شاہ محمود قریشی
