شمالی وزیرستان: افغانستان میں آٹھ پاکستانی شہید ہوگئے۔
ترجمان دفتر خارجہ ے افغانستان میں آٹھ پاکستانیوں کی ہلاکت کی مذمت کرتے ہوئے کہا ہے کہ آٹھ پاکستانی شہریوں کو افغان سیکیورٹی فورسز نے ہلاک کیا تھا۔
یہ بھی پڑھیں: افغانستان میں امریکی فضائی حملہ، 13 شہری جاں بحق
Pakistan condemns the killing of eight innocent Pakistani tribesmen, in Paktika, Afghanistan, by
Afghan security forces.— Dr Mohammad Faisal (@DrMFaisal) March 11, 2019
ترجمان دفتر خارجہ ڈاکٹر فیصل نے سماجی رابطے کی ویب سائٹ پر اپنے ایک ٹویٹ پیغام میں لکھا کہ پاکستان افغانستان کے سوبے پکتیکا میں افغان فورسز کے ہاتھوں آٹھ معصوم پاکستانیوں کی ہلاکت کی مذمت کرتا ہے۔
افغانستان کے صوبہ پکتیکا میں افغان اسپیشل فورسز نے گھروں پر چھاپے مارے۔ چھاپے تحصیل برمل رخہ کے علاقے میں کابل خیل قوم کے گھروں پر مارے گئے۔ چھاپوں کے دوران آٹھ افراد کو گھروں سے نکال کر قتل کردیا گیا۔
مرنے والوں کا تعلق شمالی وزیرستان کے ملک شاہی کابل خیل قوم سے ہے۔ قتل کیے گئے افراد مزدوری کے بعد کراچی سے کچھ دن قبل لوٹے تھے۔ مرنے والوں میں چار بھائی بھی شامل ہیں۔
افغان سپیشل فورس نے خواتین کے سامنے لوگوں کو قتل کیا۔ افغان فورسز نے گھروں کی چادر اور چاردیواری کا بھی خیال نہیں رکھا ۔رخہ پاک افغان بارڈر کے ساتھ متصل ہے۔
