اسلام آباد: پیپلزپارٹی کے شریک چیئرمین اور سابق صدر آصف علی زرداری کی خفیہ جائیدادوں کا سراغ مل گیا۔
شریف خاندان کی گمنام جائیدادوں کی طرح سابق صدر آصف علی زرداری کی خفیہ جائیداوں کی دستاویزات منظر عام پر آگئیں۔
وفاقی وزیر برائے بحری امور اور پاکستان تحریک انصاف کے رہنما علی زیدی آصف زرداری کی گمنام جائیدادوں کی دستاویزات منظر عام پر لے آئے۔
علی زیدی نے سماجی رابطے کی ویب سائٹ ٹوئٹر پر آصف علی زرداری کی امریکہ میں جائیداد کی موجودگی کا دعویٰ کرتے ہوئے جائیدادوں کی دستاویزات جاری کر دی ہیں۔
Just for clarity’s sake… attached are the latest property tax bills of 524 East 72 street, Apt 37F, NY, NY 10021
Bills are all in the name of Asif Ali Zardari.@khurram2004 more info for your petition pic.twitter.com/SkePGurEKo— Ali Haider Zaidi (@AliHZaidiPTI) December 22, 2018
علی زیدی نے اپنے ٹویٹ میں کہا ہے کہ امریکہ میں موجود جائیدادوں کی پراپرٹی ٹیکس کی دستاویزات میں مالک کا نام آصف علی زرداری لکھا ہوا ہے۔ یہ جائیداد اپارٹمنٹ 37F، اسٹریٹ 72، 524 ایسٹ، نیویارک میں واقع ہے۔