اسلام آباد: وفاقی وزیراطلاعات فواد چوہدری نے کہا ہے کہ تحریک انصاف کے نامزد امیدوار عارف علوی کی بھاری اکثریت سے کامیابی صاف نظر آ رہی ہے۔
سماجی رابطے کی ویب سائیٹ پر اپنے ٹویٹ میں فواد چوہدری نے کہا کہ انہیں خورشید شاہ کے بیان پر تعجب ہے۔ اعتزاز احسن سے درخواست ہے کہ صدارتی انتخابات کی دوڑ میں شامل نہ ہوں کیونکہ کسی بھی امیدوار کے ہونے سے عارف علوی کی کامیابی پر فرق نہیں پڑے گا۔
Surprised on Khursheed Shah Statement,PTI Candidate @ArifAlvi is winning hands down so Aitzaz sb shld be requested to withdraw from Presidential race, otherwise wont make any difference as in any case @ArifAlvi is poised to win with biggest majority of recent political history
— Ch Fawad Hussain (@fawadchaudhry) اگست 29, 2018
انہوں نے دعویٰ کیا کہ عارف علوی حالیہ سیاسی تاریخ کی سب سے بڑی اکثریت کے ساتھ صدارتی انتخاب جیتنے کے لیے تیار ہیں۔
اس وقت حکومت اور اپوزیشن کی جانب سے صدارتی انتخابات کی تیاریاں جاری ہیں۔ حکمراں جماعت کی جانب سے عارف علوی جبکہ اپوزیشن کی کئی اہم جماعتوں نے مولانا فضل الرحمان کو مشترکہ امیدوار نامزد کیا ہے۔ اسی طرح پیپلز پارٹی نے اعتزاز احسن کو اپنا صدارتی امیدوار نامزد کیا ہے۔