افغانستان کے مایہ ناز لیگ اسپنر راشد خان نے ٹی ٹوئنٹی انٹرنیشنل کرکٹ میں ایک اور عالمی ریکارڈ اپنے نام کر لیا۔
وہ مینز ٹی 20 انٹرنیشنل کرکٹ کی تاریخ میں 200 وکٹیں حاصل کرنے والے دنیا کے پہلے بولر بن گئے ہیں۔راشد خان نے یہ تاریخی اعزاز گزشتہ روز شارجہ کرکٹ اسٹیڈیم میں زمبابوے کے خلاف تین میچوں کی سیریز کے دوسرے ٹی 20 انٹرنیشنل مقابلے میں حاصل کیا۔
انہوں نے زمبابوے کے وکٹ کیپر بیٹر تادیواناشے مارومانی کو 2 رنز پر ایل بی ڈبلیو آؤٹ کرکے اپنی 200ویں ٹی 20 انٹرنیشنل وکٹ مکمل کی اور عالمی کرکٹ میں نئی تاریخ رقم کر دی۔
یہ بھی پڑھیں
زیادہ وکٹیں حاصل کرنے والے بولرز کی فہرست میں واضح برتری
راشد خان نے یہ سنگ میل اپنے 120ویں ٹی 20 انٹرنیشنل میچ میں عبور کیا۔ ان کی بولنگ اوسط 14.06 اور اکانومی ریٹ 6.14 ہے، جبکہ بہترین بولنگ 3 رنز کے عوض 5 وکٹیں ہے۔
ڈان نیوز کے مطابق ٹی 20 انٹرنیشنل میں سب سے زیادہ وکٹیں حاصل کرنے والے بولرز کی فہرست میں اب راشد خان واضح برتری کے ساتھ پہلے نمبر پر ہیں۔ ان کے اور دوسرے نمبر پر موجود انگلینڈ کے عادل رشید کے درمیان 29 وکٹوں کا فرق ہے۔
THE HISTORIC MOMENT. ✍️🐐
Rashid Khan becomes the first-ever bowler to claim 200 wickets in men’s T20 Internationals! 🇦🇫🔥
A remarkable milestone for one of the greatest T20 bowlers the game has ever seen. From his incredible leg-spin to his match-winning spells, Rashid has consistently dominated batters across the world.
A proud moment for Afghanistan cricket and another chapter added to Rashid Khan’s legendary career. 👏❤️
200 T20I WICKETS. HISTORY MADE! 🏏 https://t.co/xpmeO2tGHs
— Alfia Cricket (@Iplalfia) October 30, 2026
افغانستان کے راشد خان 200 وکٹوں کے ساتھ پہلے نمبر پر ہیں، دوسرے نمبر پر انگلینڈ کے عادل رشید ہیں انہوں نے 171 وکٹیں حاصل کر رکھی ہیں۔
ہانگ کانگ کے احسان خان اور نیوزی لینڈ کے ایش سوڈھی 165 وکٹوں کے ساتھ تیسرے نمبر پر ہیں، نیوزی لینڈ کے ہی ٹم ساؤتھی 164 وکٹوں کے ساتھ چوتھے نمبر پر ہیں۔
راشد خان کا کرکٹ کیریئر اور عالمی شہرت
راشد خان 20 ستمبر 1998 کو افغانستان کے صوبے ننگرہار میں پیدا ہوئے۔ انہوں نے اکتوبر 2015 میں زمبابوے کے خلاف ٹی 20 انٹرنیشنل کرکٹ میں ڈیبیو کیا اور اپنی غیر معمولی لیگ اسپن اور گوگلی کی وجہ سے بہت کم عرصے میں عالمی شہرت حاصل کر لی۔
وہ صرف ٹی 20 انٹرنیشنل ہی نہیں بلکہ ون ڈے کرکٹ میں بھی افغانستان کے کامیاب ترین بولرز میں شمار ہوتے ہیں۔ ان کے نام ون ڈے انٹرنیشنل میں 237 وکٹیں بھی درج ہیں۔
راشد خان دنیا کی مختلف ٹی 20 لیگز میں بھی اپنی صلاحیتوں کا لوہا منوا چکے ہیں۔ انڈین پریمیئر لیگ میں سن رائزرز حیدرآباد اور گجرات ٹائٹنز کی نمائندگی کر چکے ہیں، جبکہ پاکستان سپر لیگ میں لاہور قلندرز اور کوئٹہ گلیڈی ایٹرز کی جانب سے بھی کھیل چکے ہیں۔
