پاکستان نے ون ڈے سہ ملکی سیریز کے افتتاحی میچ میں سری لنکا کو 37 رنز سے شکست دے کر فاتحانہ آغاز کرلیا۔
قومی ٹیم کے 306 رنز کے ہدف کے تعاقب میں سری لنکن ٹیم 48.1 اوورز میں 268 رنز بنا کر آؤٹ ہوگئی۔
راولپنڈی میں کھیلے گئے میچ میں سری لنکا نے ٹاس جیت کر پہلے فیلڈنگ کا فیصلہ کیا، جس کے بعد پاکستان نے سلمان آغا کی شاندار سنچری کی بدولت 49.5 اوورز میں 305 رنز بنائے۔
Off to a winning start in the ODI Tri-Series 🙌
Fast bowlers lead Pakistan to victory by 37 runs 🏏
#PAKvSL | #BackTheBoysInGreen | #CricketKaJashan https://t.co/rX8ZbU3DAP
— Pakistan Cricket (@TheRealPCB) October 18, 2026
پاکستان کی جانب سے سلمان آغا نے 90 گیندوں پر 107 رنز کی عمدہ اننگز کھیلی، جس میں 10 چوکے اور ایک چھکا شامل تھا۔
بابر اعظم نے 57 گیندوں پر 45 رنز بنائے جبکہ سعد بیگ نے 40 گیندوں پر 39 رنز اسکور کیے، حسن نواز نے 49 گیندوں پر 37 رنز بنا کر ٹیم کے مجموعے میں اہم کردار ادا کیا۔
سری لنکا کی جانب سے ایشان ملنگا نے 4 وکٹیں حاصل کیں، جبکہ اسیتھا فرنینڈو نے 3 اور دلشان مدوشنکا نے 2 کھلاڑیوں کو آؤٹ کیا۔
306 رنز کے ہدف کے تعاقب میں سری لنکا کی بیٹنگ کا آغاز اچھا نہ رہا اور ابتدائی وکٹیں گرنے کے بعد مہمان ٹیم دباؤ کا شکار ہوگئی۔ تاہم پون رتنا نائیکے اور جینتھ لیانگے نے مزاحمت کرتے ہوئے ٹیم کو سنبھالنے کی کوشش کی۔
Shaheen and Babar combine to take the seventh Sri Lanka scap ⚡
Pakistan roar ahead with momentum on their side 🎯
#PAKvSL | #BackTheBoysInGreen | #CricketKaJashan https://t.co/TmbPm8ROaO
— Pakistan Cricket (@TheRealPCB) October 18, 2026
پون رتنا نائیکے نے 74 گیندوں پر 79 رنز بنائے، جن میں 6 چوکے اور 2 چھکے شامل تھے۔ جینتھ لیانگے نے 74 گیندوں پر 60 رنز اسکور کیے، جبکہ کامندو مینڈس نے 50 گیندوں پر 44 رنز بنائے۔ داسن شناکا نے 18 گیندوں پر 28 رنز کی تیز رفتار اننگز کھیلی۔
پاکستان کی جانب سے شاہین شاہ آفریدی نے 3 وکٹیں حاصل کرکے نمایاں بولنگ کی، جبکہ نسیم شاہ، حارث رؤف اور فہیم اشرف نے 2، 2 کھلاڑیوں کو آؤٹ کیا۔
پاکستانی بولرز نے آخری اوورز میں سری لنکن بیٹنگ لائن کو قابو میں رکھا اور پوری ٹیم 48.1 اوورز میں 268 رنز پر آؤٹ ہوگئی یوں پاکستان نے میچ 37 رنز سے جیت کر سہ ملکی سیریز میں اپنی مہم کا کامیاب آغاز کیا۔
پاکستان کے سلمان آغا کو سری لنکا کے خلاف 107 رنز کی شاندار اننگز کھیلنے پر مین آف دی میچ قرار دیا گیا۔
📸📸
#PAKvSL | #BackTheBoysInGreen | #CricketKaJashan https://t.co/qmHJY5RwHJ
— Pakistan Cricket (@TheRealPCB) October 18, 2026
سہ ملکی ون ڈے سیریز کا شیڈول
پاکستان، سری لنکا اور انگلینڈ کی کرکٹ ٹیمیں سہ ملکی ون ڈے سیریز میں آمنے سامنے ہیں۔
پاکستان اور سری لنکا کے درمیان سیریز کا پہلا میچ آج راولپنڈی کرکٹ اسٹیڈیم میں کھیلا جا رہا ہے، 20 اکتوبر کو راولپنڈی میں ہی پاکستان اور انگلینڈ مدمقابل ہوں گے۔
22 اکتوبر کو راولپنڈی کرکٹ اسٹیڈیم میں انگلینڈ اور سری لنکا کے درمیان جوڑ پڑے گا۔ سیریز کے باقی میچ لاہورکے قذافی اسٹیڈیم میں کھیلے جائیں گے۔
25 اکتوبر کو پاکستان اور انگلینڈ کے درمیان مقابلہ لاہور میں ہو گا، 27 اکتوبر کو پاکستان اور سری لنکا کے درمیان جوڑ پڑے گا۔ 29 اکتوبر کو انگلینڈ اور سری لنکا کے درمیان میچ ہو گا۔
تینوں ٹیمیں ابتدائی مرحلے میں ایک دوسرے کے خلاف 2، 2 میچ کھیلیں گی، جس کے بعد پوائنٹس ٹیبل پر سرفہرست 2 ٹیمیں 31 اکتوبر کو لاہور میں فائنل کھیلیں گی۔
